RBIએ જાહેર કરી ધિરાણ નીતિ રેપો રેટમાં 0.25 બેસિસ પોઈન્ટનો કર્યો વધારો

RBIની ત્રણ દિવસીય મૌદ્રિક સમીક્ષા બેઠકનો આજે છેલ્લો દિવસ હતો આ બેઠકમાં નીતિગત નિર્ણય કરવા પૂર્વે સમિતિના 6 સભ્ય મોંઘવારી અને ક્રુડ ઓઈલની કિંમતોને ધ્યાનમાં લેવામાં આવી હતી. લોન ધારકો માટે માઠા સમાચાર છે. RBIએ રેપો રેટમાં વધારો કર્યો છે. રિઝર્વ બેંકે રેપો રેટમાં 0.25 બેસિસ પોઈન્ટનો વધારો કર્યો છે. હવે રેપો રેટ વધીને 6.25 ટકા થયો છે.

ગત વર્ષ 2017-18ની ચોથી ત્રિમાસિકમાં ભારતીય અર્થવ્યવસ્થાનો વિકાસ દર 7.7 ટકા રહ્યો છે. જે ગત 7 ત્રિમાસિકમાં સૌથી સારું પ્રદર્શન છે. તો હવામાન વિભાગે પણ આ વર્ષે વરસાદ સામાન્ય રહેવાની સંભાવના વ્યક્ત કરી છે. જેના કારણે ભારતીય રિઝર્વ બેંક તરફથી રેપો રેટ ઘટાડે તેવી શક્યતા ઓછી થઈ ગઈ છે. છૂટક મોંઘવારી દર RBI માટે એક મહત્વનો ડેટા હોય છે.

જોકે નવેમ્બર 2017થી તે 4 ટકા ઉપર રહ્યો છે. સરકારે ભારતીય રિઝર્વ બેંક માટે અનિવાર્ય કર્યું છે કે તે છૂટક મોંઘવારી દરને 4 ટકા નીચે રાખે અને ગ્રોથને ટેકો આપવાનું કામ કરે. વ્યાજદરો પર સખત સંકેતોને ધ્યાને રાખીને SBI PNB અને ICICI સહિત અનેક બેંકોએ વ્યાજ દરમાં વધારો કર્યો છે. તો કેટલીક બેંકોએ ફિક્સ ડીપોઝીટ પર વ્યાજદર વધાર્યો હતો.