ચેન્નાઇ સુપર કિંગ્સ અને રાજસ્થાન રોયલ્સ વચ્ચે રમાયેલી IPL 2019ની 25મી મેચમાં ભરપૂર રોમાંચ જોવા મળ્યો હતો. છેલ્લા બોલ સુધી પહોંચેલી આ મેચમાં CSKએ RRને 4 વિકેટથી હરાવ્યુ. મેચની અંતિમ ઓવરમાં ચેન્નાઇ સુપર કિંગ્સે 18 રનની જરૂર હતી, ત્યારે ધોની (57 રન) વિકેટ પડી અને મેચ રોમાંચક થતા અંતિમ બોલ સુધી પહોંચી. છેલ્લા બોલ પર 3 રન જોઇતા હતા અને સેન્ટરને સિક્સર ફટકારીને મેચ જીતાડી દીધી. આ ઓવરમાં પહેલા બોલ પર રવિન્દ્ર જાડેજાના એક ખાસ શોટે સૌનું ધ્યાન પોતાની તરફ ખેંચી લીધુ.
ચેન્નઈ સુપર કિંગ્સ આ મેચમાં 152 રનના ટાર્ગેટનો પીછો કરી રહી હતી. છેલ્લી ઓવરમાં ચેન્નઈને 18 રન જોઈતા હતા. પિચ પર ધોની અને જાડેજા હતા. બોલ રાજસ્થાનના ઓલરાઉન્ડર બેન સ્કોક્સના હાથમાં હતો. સ્ટોક્સે પહેલો બોલ ઑફ સાઇડમાં નાખ્યો જેના પર જાડેજાએ નીચે પડીને શોટ માર્યો. બોલ હવામાં હતો, ધોની રન લેવા દોડીને જાડેજા પાસે પહોંચી જાય છે જેથી કેચ થાય તો સ્ટ્રાઇક ધોની પાસે આવે, પરંતુ જાડેજાને કદાચ પોતાના શોટ પર સંપૂર્ણ વિશ્વાસ હતો અને તે ન ઉઠ્યો. અંત બોલમાં બાઉન્ડ્રી બહાર જઇને પડ્યો.
જાડેજા આ શોટથી રનોનું અંતર ખૂબ ઓછુ થઇ ગયુ ચેન્નાઇએ હવે 5 બોલમાં 12 રન જોઇતા હતા. આ બાદ પણ મેચમાં અનેક ઉતાર-ચઢાવ આવ્યા. બીજો બોલ નો બોલ હતો જેના પર 1 રન લઇને ધોનીને સ્ટ્રાઇક મળી અને ત્રીજા બોલમાં ધોની આઉટ થઇ ગયો. આ પછી CSKને 3 બોલમાં 8 રન જોઇતા હતા, આમ છેલ્લા બોલ સુધી પહોંચેલી મેચમાં સેન્ટરે સિક્સ ફટકારીને ટીમને જીત અપાવી દીધી.