VIRAL / VIDEO: જાડેજાએ ઇશારામાં રોહિતને કહ્યુ કોહલીનું નામ, વિરાટે આપ્યુ આવુ રિએક્શન

ટીમ ઇન્ડિયાએ 3 ઇન્ટરનેશનલ T-20 સીરિઝ જીતી લીધી છે તો સીરિઝની પહેલી વનડે મેચ વરસાદને કારણે રદ્દ થઇ ગઇ હતી. જોકે તેનાથી ખિલાડીઓને મોજમજામાં કોઇ ફેર પડ્યો નથી. ટીમ ઇન્ડિયાના કેપ્ટન વિરાટ કોહલી અને વેસ્ટ ઇન્ડિઝનના સ્ટાર બેટ્સમેન ક્રિસ ગેલનો એક વીડિયો વાયરલ થયો હતો, તો બીજી તરફ BCCIએ પોતાના ઑફિશ્યલ ટ્વિટર પર વીડિયો શૅર કર્યો હતો. આ વીડિયોમાં જેમાં રોહિત શર્માએ રવિન્દ્ર જાડેજા સાથે હેડ્સ અપ ચેલેન્જ લીધો હતો.

WATCH @ImRo45 take the Heads Up Challenge with @imjadeja 😅

This one's a laugh riot😂🤣 pic.twitter.com/0dJxaY4nIf

— BCCI (@BCCI) August 9, 2019

એવામાં ટીમ ઇન્ડિયાના ખિલાડીઓનો વીડિયો સામે આવ્યો છે. જેમાં રવિન્દ્ર જાડેજા અને રોહિત શર્મા એક ગેમ રમી રહ્યા છે. આ ગેમ પ્રમાણે કાર્ડમાં જે લખ્યુ હોય તે માટેનો ઇશારો કરી જાડેજા રોહિતને બતાવે છે. રોહિત ઇશારા સમજીને જવાબ આપી રહ્યો છે. 

જાડેજાએ સૌથી પહેલા જસપ્રીત બુમરાહની મિમિક્રી કરી હતી. રોહિત બહુ ઓછા સમયમાં સ્ટાર બૉલર જસપ્રીત બુમરાહની એક્શનને ઓળખી ગયો હતો. પરંતુ તેના માટે ટીમ ઇન્ડિયા કેપ્ટન વિરાટ કોહલીના બેટિંગ સ્ટાન્સને સમજવું અઘરું પડ્યું હતું. જાડેજાએ કોહલીના ગ્લવ્સ એડજેસ્ટ કરવાની મિમિક્રી કરી ત્યારે રોહિતે સાચો જવાબ આપ્યો હતો. કોહલી પણ તે રૂમમાં હાજર હતો. તેણે જાડેજાને પૂછ્યું હતું કે, તેણે કઈ રીતે તેના બેટિંગ સ્ટાન્સની મિમિક્રી કરી હતી. જોકે જાડેજાનો આ અંદાજ જોઇને રૂમમાં રહેલા તમામ લોકો હસી પડ્યા. 

ઉલ્લેખનીય છે કે, વર્લ્ડકપમાં સેમિફાઇનલમાં ટીમ ઇન્ડિયાની હાર પછી ટીમના 2 ભાગ પડી ગયા હોવાની ચર્ચા ચાલી રહી છે. ટીમના કેપ્ટન વિરાટ કોહલી અને રોહિત શર્મા વચ્ચે વિવાદ ચાલી રહી હોવાની વાત થઇ રહી છે. જોકે, વિરાટ અને રોહિતે બંને આ વાતને અફવાહ ગણાવી હતી.