IPLIN
 
  • Home
  • Sports
  • Cricket
  • ravindra jadeja injured fielding catch rcb vs csk match ipl 2022

IPL 2022 / VIDEO: દોડીને કેચ પકડવા માટે લગાવી છલાંગ અને પછડાયા રવિન્દ્ર જાડેજા, ઇજા છતા થોડીવારમાં શરૂ કરી ફિલ્ડિંગ

Team VTV 09:57 PM, 04 May 22 | Updated: 10:27 PM, 04 May 22
Follow us
ravindra jadeja injured fielding catch rcb vs csk match ipl 2022

ચેન્નઈ સુપર કિંગ્સના પૂર્વ કેપ્ટન રવિન્દ્ર જાડેજા બુધવારે રમાયેલ મેચમાં શાનદાર ફીલ્ડિંગ કરતા નજરે પડ્યા.

  • ડાઇવ લગાવતા ઇજાગ્રસ્ત થયા રવિન્દ્ર જાડેજા
  • ઇજાગ્રસ્ત થતા થોડીવાર માટે રોકવી પડી મેચ
  • ચેન્નઈ સુપર કિંગ્સ અને રૉયલ ચેલેન્જર્સ બેંગલુરૂ વચ્ચે મુકાબલો

રૉયલ ચેલેન્જર્સ બેંગલુરૂ સામે જ્યારે રવિન્દ્ર જાડેજા ફિલ્ડિંગ કરી રહ્યા હતા, તે સમયે તેમણે એક કેચ પકડવા માટે એવી ડાઇવ લગાવી કે ખુદને ઇજાગ્રસ્ત કરી બેઠા.

એવું રૉયલ ચેલેન્જર્સ બેંગલુરૂની ઇનિંગની 18મી ઓવરમાં થયું. 17.3 બોલ પર જ્યારે આરસીબીના મહિપાલ લૉમરૉરે હવાઈ શોટ રમ્યો તો બૉલ 30 ગજના ઘેરાથી બહાર ગઇ. ડીપ કવરમાં ઉભેલા રવિન્દ્ર જાડેજા ઘણા દૂર સુધી દોડ્યા અને કેચ પકડવાનો પ્રયાસ કર્યો.

પરંતુ આ દરમિયાન તેમના પગ ઘાસમાં ફસાયા અને તે કેચ પણ છૂટી ગયો. રવિન્દ્ર જાડેજા જ્યાં પડ્યા ત્યાં હાથના ભારે પડ્યા, તેવામાં શરીરનો આખો ભાર તેના પર જ આવી ગયો. આ દરમિયાન મેચ રોકવી પડી.

ચેન્નઈ સુપર કિંગ્સના ફીઝિયો તાત્કાલિક દોડીને મેદાન પર આવ્યા અને તેમણે રવિન્દ્ર જાડેજાના હાથને તપાસ્યો. ચેન્નઈ સુપર કિંગ્સના કેપ્ટન મહેન્દ્ર સિંહ ધોની અને બાકીના ખેલાડીઓએ આવીને પણ રવિન્દ્ર જાડેજાના હાથને જોયો. ફીઝિયો દ્વારા તપાસ કર્યાના થોડા સમય બાદ જ રવિન્દ્ર જાડેજા ફરી મેદાન પર ઉભા થયા અને ફિલ્ડિંગ કરવા લાગ્યા.

સોશિયલ મીડિયા પર રવિન્દ્ર જાડેજાના ભારે વખાણ થયા અને મેદાનમાં પણ તેમના નામના નારા લાગ્યા. રવિન્દ્ર જાડેજાની ગણતરી દુનિયાના સૌથી સારા ફિલ્ડરમાં થાય છે, તેવામાં એક કેચ માટે તેમના દ્વારા કરવામાં આવેલા આ એફર્ટ શાનદાર હતું.

આ મેચમાં બીજી પણ ઘટના બની

આરસીબીના પૂર્વ કેપ્ટન વિરાટ કોહલીએ આ મેચમાં માત્ર 30 રન બનાવ્યા અને ધીમી ઇનિંગ રમી. જ્યારે વિરાટ કોહલી બેટિંગ કરી રહ્યા હતા, તે સમયે એક એવો સમય એવો આવ્યો જ્યારે બોલર મુકેશ ચૌધરીએ તેમના તરફ બોલ ફેંકીને માર્યો. આ વચ્ચે સ્ટમ્પની સામે આવ્યા અને બોલ સીધો જઇને તેને વાગ્યો. બોલ વાગ્યા બાદ વિરાટ કોહલી ક્રીઝ પર પડી ગયા. બાદમાં મુકેશ ચૌધરીએ વિરાટ પાસે જઇને માફી પણ માંગી અને તેનાપર કિંગ કોહલી હસ્યા.

IPL 2022 Ravindra Jadeja Virat Kohli રવિન્દ્ર જાડેજા વિરાટ કોહલી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ