14 મહિના પછી વનડેમાં વાપસી કરતાની સાથે જાડેજાએ સૌને ચોંકાવી દીધા

ગત વર્ષ જુલાઇ પછી પોતાની પહેલી વનડે રમી રહેલા રવિન્દ્ર જાડેજાએ બાંગ્લાદેશની વિરુદ્ઘ 4 વિકેટ ઝડપીને શાનદાર વાપસી કરી છે. ડાબા હાથના સ્પિનર રવિન્દ્ર જાડેજાને હાર્દિક પંડ્યા ઇજાગ્રસ્ત હોવા પર ટીમમાં લેવામાં આવ્યો અને આ મૌકાનો ફાયદો ઉઠાવીને 10 ઑવરમાં 29 રન આપીને 4 વિકેટ પોતાના નામે કરી હતી.

રવિન્દ્ર જાડેજાએ પોતાની બૉલિંગ વડે સારું પરફૉર્મન્સ કરીને ટીકાકારીનો બોલતી બંધ કરી દીધી છે તેણે ઇનિંગમાં 4 વિકેટ ઝડપી. 2014 પછી આ પહેલી તક છે જ્યારે જાડેજાએ વનડે ઇનિંગમાં 4 વિકેટો ઝડપી હોય. રવિન્દ્ર જાડેજાએ પહેલી વિકેટ શાકિબ અલ હસનની લીધી અને મોહમ્મદ મિથુનને LBW કર્યો. જ્યારે મુશફિકર રહીમે રિવર્સ સ્પીવ રમવાનો પ્રયત્ન કર્યો અને સીધો કેચ આપી બેઠો. પોતાના બીજા સ્પેલમાં મોસાદર હુસૈનની વિકેટ લીધી હતી. 

કોઇ ભારતીય બૉલરનું બાંગ્લાદેશની સાથે આ બીજી સર્વશ્રેષ્ઠ પ્રદર્શન છે. આ પહેલા વિરેન્દ્ર સહેવાગે દામ્બુલમાં 2010માં 6 રન આપીને 4 વિકેટ લીધી હતી. રવિન્દ્ર જાડેજા 'મેન ઑફ ધ મેચ' બન્યો. ટીમ ઇન્ડિયા પોતાની આગામી મેચ પાકિસ્તાનની સામે જ્યારે બાંગ્લાદેશ અફધાનિસ્તાનની સામે મેચ રમશે.