IPL 2022 / જે ખેલાડીએ ચેન્નાઈને પહેલી જીત અપાવી તેના પર જ ભડક્યો કેપ્ટન જાડેજા, કેપ ઉછાળીને જુઓ શું કર્યું

• CSKનાં કેપ્ટન રવીન્દ્ર જાડેજાને શિવમ દુબે પર આવ્યો ગુસ્સો 
• ટોપી ઉતારીને પટકવા જઈ રહ્યા હતા કેપ્ટન જાડેજા 
• ગુજરાત ટાઈટન્સે CSKને આપી માત 

CSKનાં કેપ્ટન રવીન્દ્ર જાડેજાને શિવમ દુબે પર આવ્યો ગુસ્સો 

IPLની 15 મી સીઝનમાં ઘણા રોમાંચક મુકાબલાઓ જોવા મળી રહ્યા છે. રવિવારે ચેન્નાઈ સુપર કિંગ્સ અને ગુજરાત ટાઈટન્સ વચ્ચે મેચ રમવામાં આવી હતી. પહેલા તો લાગ્યું કે આ મેચ ચેન્નાઈ જીતી જશે. પરંતુ, ગુજરાતનાં બેટ્સમેનએ આખી મેચ પલટી દીધી અને 3 વિકેટથી જીત મેળવી. આ સીઝનમાં ચેન્નાઈ સુપર કિંગ્સની સ્થિતિ સારી રહી નથી. ચેન્નાઈ 6 મેચમાંથી માત્ર 1 મેચ જ જીતી શક્યું છે. 

ગુજરાત ટાઈટન્સ સામે રમવામાં આવેલ મેચમાં ચેન્નાઈ સુપર કિંગ્સએ શરૂઆતમાં સારી પકડ બનાવી હતી. પરંતુ પછી ધીરે ધીરે મેચ CSKની પકડની બહાર નીકળી ગઈ. આ મેચ દરમિયાન રવીન્દ્ર જાડેજા પણ ઘણા ગુસ્સામાં જોવા મળ્યા હતા. રવિવારે રમવામાં આવેલ મેચમાં ચેન્નાઈનાં સ્ટાર ખેલાડી શિવમ દુબેએ એવી ભૂલ કરી કે જોઇને કેપ્ટન ગુસ્સે ભરાઈ ગયા. 

I feel for Jaddu 😞 #ShivamDube didn’t even attempt that one! But this ain’t as criminal as letting #vijayshankar be a part of the playing XI! @gujarat_titans what were you even thinking? #CSKvsGT pic.twitter.com/4X65j2mBLa

— IPL Fever 🥶 (@kaarthikdas) April 17, 2022

ગુજરાત ટાઈટન્સે CSKને આપી માત 

રવિવારની મેચમાં ચેન્નાઈએ શાનદાર શરૂઆત કરતા ગુજરાતનાં 4 ખેલાડીઓને 8 ઓવરમાં પવેલિયન પાછા મોકલ્યા હતા. ગુજરાતની 8 ઓવરમાં 4 વિકેટ પડી ગઈ હતી. ત્યારે જ ક્રીઝ પર શાનદાર પ્રદર્શન બતાવતા ડેવિડ મિલરે ટીમને જીત અપાવી. પરંતુ મિલરનાં આ વિસ્ફોટક દાવનો અંત આવી ગયો હોત, જો શીવન દુબે અજાણતા ભૂલ ન કરી બેસત. 

💙🤩😅

2️⃣ wins in 4️⃣ days! #SeasonOfFirsts #AavaDe #GTvCSK pic.twitter.com/EEQQJz7zJZ

— Gujarat Titans (@gujarat_titans) April 17, 2022

ગુજરાતની બેટિંગની 17મી ઓવરમાં શિવમ દુબેથી એવી ભૂલ થઇ, જેનું પરિણામ આખી ટીમએ ભોગવવું પડ્યું હતું. ગુજરાતને 24 બોલ્સમાં 52 રનની જરૂર હતી. ચેન્નાઈ તરફથી 17મી ઓવર ડ્વેન બ્રાવો નાંખવા આવ્યા હતા. તેમણે પહેલા 2 બોલ્સ પર માત્ર 2 રન આપ્યા. પછી ત્રીજા બોલ પર બ્રાવોએ ગતિમાં બદલાવ કર્યો અને મિલરે તેને પુલ કર્યો. બોલ સીધો મિડવિકેટ તરફ હવામાં ઉઠ્યો અને શિવમ દુબે પાસે ગયો. શિવમ દુબે પાસે કેચ કરવાનો સારો મોકો હતો. પરંતુ, તેઓ બોલ પાસે પહોંચતા જ અટકી ગયા અને કેચ પકડવાની કોશિશને બદલે બોલ મેદાન પર પડ્યા બાદ પકડ્યો. 

ટોપી ઉતારીને પટકવા જઈ રહ્યા હતા કેપ્ટન જાડેજા 

દુબેની આ ભૂલથી સૌ કોઈ ચોંકી ગયા. બ્રાવો પણ દુબેની આ ભૂલથી નાખુશ જોવા મળ્યા હતા. જ્યારે કેપ્ટન દુબેની આ ભૂલને કારણે ગુસ્સે ભરાઈ ગયા અને પોતાની ટોપી ઉતારી દીધી. તેઓ ગુસ્સામાં ટોપી પટકવા જઈ રહ્યા હતા, પરંતુ પછી ખુદને તેમણે કંટ્રોલ કર્યા. હવે સોશિયલ મીડિયા પર આ વીડિયો ઝડપથી વાયરલ થઇ રહ્યો છે.