IPL 2022 / ધોનીની ધમાકેદાર બેટિંગ પછી સર જાડેજાએ કર્યું એવું કે લોકો કરી રહ્યા છે વખાણ, VIDEO થઈ રહ્યો છે વાયરલ

• ધોનીની ધમાકેદાર બેટિંગનાં લોકો થયા દિવાના 
• રવીન્દ્ર જાડેજા થયા નતમસ્તક 
• અંબાતી રાયડૂએ પણ જોડ્યા હાથ 

ધોનીની ધમાકેદાર બેટિંગનાં લોકો થયા દિવાના 

IPL 2022માં એમએસ ધોનીની છેલ્લી ઓવર્સમાં તોફાની બેટિંગને કારણે મુંબઈ ઇન્ડિયન્સને હરાવવામાં ચેન્નાઈ સફળ રહ્યું. આ પરિણામ બાદ સીએસકે નાં કપ્તાન રવીન્દ્ર જાડેજા તેમની સામે નતમસ્તક થઇ ગયા. સાથે જ અંબાતી રાયડૂએ પણ એમએસની ફિનિશિંગ જોઇને તેમની સામે હાથ જોડી દીધા. મેચનાં પરિણામ બાદ મુંબઈ ઇન્ડિયન્સનાં પણ ઘણા પ્લેયર્સ ઘોનીની રમતનાં દીવાના બની ગયા. જ્યારે સીએસકેની ટીમ તો તેમનું સન્માન કરતી જ જોવા મળી રહી હતી. મેચ પર મુંબઈ ઇન્ડિયન્સે પકડ બનાવી રાખી હતી, પરંતુ છેલ્લી ઓવર્સમાં જીત અપાવવા માટે માહિર માહીએ તે જ જૂની કમાલ કરી બતાવી. 

મેચમાં જીત અપાવીને જ્યારે ધોની ડ્રેસિંગ રૂમ તરફ જઈ રહ્યા હતા, ત્યારે રવીન્દ્ર જાડેજાએ તેમને ઝૂકીને સલામ કર્યા. સીએસકેનાં કેપ્ટને એક પ્રકારે મેચ ફિનિશ કરવા માટે ધોનીને ધન્યવાદ કહ્યું. જ્યારે ટીમના સિનીયર બેટ્સમેન અંબાતી રાયડૂ પણ આવા જ અંદાજમાં જોવા મળ્યા હતા. તેમણે પણ ધોની સાથે હાથ મિલાવતા પહેલા હાથ જોડ્યા અને બતાવ્યું કે તેમની આવડતને તેઓ સલામ કરે છે. સીએસકેનાં બીજા ખેલાડીઓ પણ એમએસ ધોનીનાં પ્રદર્શનથી ઘણા પ્રભાવિત જોવા મળ્યા હતા. સીએસકેનાં સ્પોર્ટ સ્ટાફમાંથી પણ એક મેમ્બરે તેમને સેલ્યૂટ કર્યું હતું. 

ધોની સામે નતમસ્તક થયા જાડેજા 

Nobody finishes cricket matches like him and yet again MS Dhoni 28* (13) shows why he is the best finisher. A four off the final ball to take @ChennaiIPL home.

What a finish! #TATAIPL #MIvCSK pic.twitter.com/oAFOOi5uyJ

— IndianPremierLeague (@IPL) April 21, 2022

મેચ બાદ રવીન્દ્ર જાડેજાએ ધોની અને મેચની છેલ્લી ઓવર્સને લઈને સ્પષ્ટતાથી પોતાની વાત સામે રાખી. તેમણે કહ્યું કે મેચ હાથમાંથી છૂટી રહી હતી, અમે ઘણા તણાવમાં હતા. પરંતુ અમે જાણતા હતા કે હવે મહાન ફિનીશરનાં હાથમાં રમત છે અને તે છેલ્લો બોલ રમે છે, તો મેચ પૂરી કરશે જ. ધોનીએ દુનિયાને બતાવી દીધું કે તેઓ આજે પણ મેચનાં ફિનીશર છે. 

રાયડૂએ ધોની સામે જોડ્યા હાથ 

How @imjadeja & Rayadu thanked #Dhoni for today's #CSK𓃬 win#CSKvsMi #IPL pic.twitter.com/GZkAzaSCrn

— Prashant (@prashantlohar7) April 21, 2022

સીએસકેને છેલ્લી ત્રણ ઓવરમાં 42 રનની જરૂર હતી. ડ્વેન પ્રીટોરિયસે 18મી ઓવરમાં એક સિક્સર અને ધોનીએ એક ચોક્કો માર્યો જેથી 14 રન મળી શક્યા. સીએસકેએ 19મી ઓવરમાં 11 રન બનાવ્યા. છેલ્લી ઓવરમાં છ બોલ્સમાં 17 રન બનાવવાના હતા, જેનાં પહેલા બોલ પર પ્રીટોરિયસ આઉટ થયા હતા. બીજા બોલ પર બ્રાવોએ એક રન બનાવ્યો અને ધોનીએ સાઈટ સ્ક્રીન તરફ છક્કો અને પછી શોર્ટ ફાઈન લેગ પર એક ચોક્કો લીધો. પાંચમાં બોલ પર બે રન બન્યા અને છેલ્લા બોલ પર ચાર રન બનાવવાના હતા. ધોનીએ આરામથી ચોક્કો મારીને ટીમને જીત અપાવી.