ભારત-ઓસ્ટ્રેલિયા વચ્ચે ટેસ્ટ શ્રેણીની શરૂઆત 9 ફેબ્રુઆરીથી થવાની છે. ભારતીય ટીમ ઈતિહાસ રચવાના જોશમાં છે. ખુશીની વાત એ છે કે રવિન્દ્ર જાડેજા વાપસી માટે તૈયાર છે. જાડેજાએ રણજીમાં શાનદાર કમબેક કર્યુ તો ઓસ્ટ્રેલિયામાં ધૂમ મચી ગઇ.
ભારત-ઓસ્ટ્રેલિયા વચ્ચે ટેસ્ટ શ્રેણીની શરૂઆત 9 ફેબ્રુઆરીથી થશે
રવિન્દ્ર જાડેજાએ રણજીમાં શાનદાર કમબેક કર્યુ
રણજી ટ્રોફી મેચમાં રવિન્દ્ર જાડેજાએ કુલ 8 વિકેટ લીધી
રવિન્દ્ર જાડેજાએ રણજીમાં શાનદાર કમબેક કર્યુ
ભારતીય ટીમ અત્યારે ન્યુઝીલેન્ડ સામે ટી20 શ્રેણી રમી રહી છે, પરંતુ દરેક વ્યક્તિની નજર ઓસ્ટ્રેલિયા સામે શરૂ થનારી ટેસ્ટ શ્રેણી પર છે. 9 ફેબ્રુઆરીથી ભારત ઓસ્ટ્રેલિયા સામે 4 ટેસ્ટ મેચ રમશે. શ્રેણી પહેલા ઓસ્ટ્રેલિયાની ટીમ દહેશતમાં છે, કારણકે સ્ટાર ઓલરાઉન્ડર રવિન્દ્ર જાડેજાની વાપસી થઇ રહી છે. રવિન્દ્ર જાડેજા ઈજાગ્રસ્ત હોવાથી લાંબા સમયથી ક્રિકેટથી દૂર હતા. પરંતુ ઓસ્ટ્રેલિયા સામે ટેસ્ટ શ્રેણીમાં તેમનો સમાવેશ કરવામાં આવ્યો છે. શ્રેણી શરૂ થતા પહેલા રવિન્દ્ર જાડેજા રણજી ટ્રોફીમાં સૌરાષ્ટ્ર માટે કેપ્ટનશિપ કરવા મેદાનમાં આવ્યાં અને આવતા જ છવાઈ ગયા.
રવિન્દ્ર જાડેજાએ કુલ 8 વિકેટ લીધી
તામિલનાડુ સામેની રણજી ટ્રોફી મેચમાં રવિન્દ્ર જાડેજાએ કુલ 8 વિકેટ લીધી અને સારી બેટીંગ પણ કરી. વાપસીવાળી મેચમાં આ ધમાકેદાર પ્રદર્શન હતુ. કમાલ તો ત્યારે થઈ જ્યારે તેમણે બીજી ઈનિંગમાં તામિલનાડુના મિડલ ઓર્ડરને સંપૂર્ણ રીતે હલાવી નાખ્યું અને માત્ર 17 ઓવરમાં 7 વિકેટ નિકાળી.
રવિન્દ્ર જાડેજાએ આખી મેચમાં 41 ઓવર નાખી, એવામાં તેમણે જણાવ્યું કે તેઓ ફિટ છે. હજી 9 ફેબ્રુઆરી આવવામાં સમય છે, એવામાં રવિન્દ્ર જાડેજાને વધુ સમય મળશે. સ્ટાર ઑલરાઉન્ડરની વાપસીથી ઓસ્ટ્રેલિયા ટીમ પણ દહેશતમાં છે, કારણકે બોર્ડર-ગાવસ્કર ટ્રોફીમાં રવિન્દ્ર જાડેજાનો રેકોર્ડ સારો રહ્યો છે.