IND vs AUS / જાડેજાની બોલિંગ સામે બલ્લેબાજો ઘૂંટણીયે, તૂટી ગયો ઈમરાન ખાનનો રેકૉર્ડ, રવિચંદ્રન અશ્વિને પણ કર્યું શાનદાર પ્રદર્શન

• ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફીની બીજી ટેસ્ટ મેચ 
• ટેસ્ટના પહેલા દિવસે જ ભારતીય સ્પિનરોની સિદ્ધી જોવા મળી
• રવિચંદ્રન અશ્વિન અને રવિન્દ્ર જાડેજાની જોડીએ તરખાટ મચાવ્યો

જાડેજા અને અશ્વિનની જોડીએ ફરીથી તરખાટ મચાવ્યો

ભારત અને ઓસ્ટ્રેલિયા વચ્ચે દિલ્હીમાં બોર્ડર-ગાવસ્કર ટ્રોફીની બીજી ટેસ્ટ મેચ રમાઈ રહી છે. ઓસ્ટ્રેલિયાએ અહીં ટોસ જીતીને પ્રથમ બેટીંગ કરવાનો નિર્ણય કર્યો. પરંતુ આ નિર્ણય તેમના માટે અયોગ્ય સાબિત થયો. કારણકે રવિન્દ્ર જાડેજા અને રવિચંદ્રન અશ્વિનની જોડીએ એક વખત ફરીથી તરખાટ મચાવ્યો અને ઓસ્ટ્રેલિયા ફ્લોપ થયુ. રવિચંદ્રન અશ્વિને આ મેચમાં ઓસ્ટ્રેલિયા સામે પોતાની 100 ટેસ્ટ વિકેટ પૂરી કરી. તો જાડેજાએ ટેસ્ટ કારકિર્દીની 250 વિકેટ પૂરી કરી. બંનેનો આ રેકોર્ડ ખૂબ સ્પેશિયલ છે. ખાસ કરીને ત્યારે જ્યારે આ ટેસ્ટ ઓસ્ટ્રેલિયા સામે રમાઈ રહી છે. 

Another day at office and another milestone for @ashwinravi99 👏👏

Do you reckon Australia is his favourite opponent?#INDvAUS pic.twitter.com/Oxohqv9HQi

— BCCI (@BCCI) February 17, 2023

રવિચંદ્રન અશ્વિનના નામે ખાસ રેકોર્ડ 

હાલમાં ટેસ્ટ ક્રિકેટમાં પોતાની 450 વિકેટ પૂરી કરનારા રવિચંદ્રન અશ્વિને વધુ એક રેકોર્ડ બનાવ્યો છે. ઓસ્ટ્રેલિયા સામે ટેસ્ટ ક્રિકેટમાં તેમણે 100 વિકેટ પૂરી કરી છે, આમ કરનારો તે બીજો ભારતીય બોલર બન્યો છે. ભારત તરફથી ઓસ્ટ્રેલિયા સામે સૌથી વધુ વિકેટ લેવાનો રેકોર્ડ પૂર્વ કેપ્ટન અનિલ કુંબલેના નામે છે. 

ઓસ્ટ્રેલિયા સામે 

અનિલ કુંબલે- 20 ટેસ્ટ, 111 વિકેટ, 30.32 સરેરાશ
રવિચંદ્રન અશ્વિન- 20 ટેસ્ટ, 100 વિકેટ, 29.38 સરેરાશ
હરભજન સિંહ- 18 ટેસ્ટ, 95 વિકેટ, 29.95 સરેરાશ 

રવિન્દ્ર જાડેજાએ ઈમરાન ખાનને પછાડ્યો 

રૉકસ્ટાર રવિન્દ્ર જાડેજાએ પણ આ ટેસ્ટ મેચમાં આક્રમક પ્રદર્શન કર્યુ છે. તેમણે ટેસ્ટ ક્રિકેટમાં 250 વિકેટ પૂરી કરી છે. તેમના નામે ટેસ્ટમાં 2500 રન અને 250 વિકેટ છે, ટેસ્ટ ક્રિકેટમાં સૌથી ઓછી મેચમાં આ પ્રદર્શન કરનારા રવિન્દ્ર જાડેજા બીજા ક્રિકેટર બની ગયા છે. ઈયાન બોથમે 55 ટેસ્ટમાં આ સિદ્ધી પ્રાપ્ત કરી હતી, જ્યારે રવિન્દ્ર જાડેજાએ 62 મેચ રમી છે. પાકિસ્તાનના પૂર્વ કેપ્ટન ઈમરાન ખાને આવુ 64 મેચમાં કર્યુ હતુ. 

Milestone 🚨 - @imjadeja becomes the fastest Indian and second fastest in world cricket to 250 Test wickets and 2500 Test runs 🫡🫡#INDvAUS pic.twitter.com/FjpuOuFbOK

— BCCI (@BCCI) February 17, 2023