સિદ્ઘિ / અશ્વિને ટેસ્ટ ક્રિકેટમાં 350 વિકેટ પોતાના નામે કરી, વર્લ્ડ રેકોર્ડની થઇ બરાબરી

• 66માં ટેસ્ટ રમી રહેલા અશ્વિનના પૂરા કર્યા 350 ટેસ્ટ વિકેટ, વર્લ્ડ રેકોર્ડની બરાબરી
• આટલી જ ટેસ્ટ રમીને શ્રીલંકાએ મુથૈયા મુરલીધરને 2001માં બનાવ્યો હતો વર્લ્ડ રેકોર્ડ
• રવિચંદ્રન અશ્વિન પહેલા પૂર્વ કેપ્ટન અનિલ કુંબલેના નામ હતો આ રેકોર્ડ 

અશ્વિનને જરૂર હતી 8 વિકેટ:

અશ્વિનને આ મેચ પહેલા 350 વિકેટ મેળવવા માટે 8 વિકેટોની જરૂર હતી. મેચની પહેલી ઇનિંગમાં તેણે 7 વિકેટ લીધી હતી. મેચના 5માં અને અંતિમ દિવસે અશ્વિને ડે બ્રૂયનને બોલ્ડ કરીને આ વર્લ્ડ રેકોર્ડની બરાબરી કરી.

Congratulations to @ashwinravi99 the spin wizard on his 350 Test wickets 👏👏

He is the joint fastest with Muralitharan to achieve this feat.#INDvSA pic.twitter.com/xsFr1XopWT

— BCCI (@BCCI) October 6, 2019

અનિલ કુંબલેના નામે હતો ભારતીય રેકોર્ડ:

ભારતની તરફથી અનિલ કુંબલએ સૌથી ઓછી ટેસ્ટમાં 350 વિકેટ લીધી હતી. અનિલ કુંબલેએ ન્યૂઝીલેન્ડ વિરુદ્ઘ 8 ઓક્ટોહર 2003માં પોતાના કરિયરની 77મી ટેસ્ટમાં 350 વિકેટ પૂરા કર્યા. હરભજન સિંહે 83 અને કપિલ દેવે 100મી ટેસ્ટમાં 350 વિકેટ પૂરી કરી. 

ભારતનો ચોથો બૉલર બન્યો:

ટેસ્ટ કરિયરમાં 350 વિકેટ લેનારા અશ્વિન ચોથો ભારતીય બૉલર બની ગયો છે. ભારતની તરફથી સૌથી વધારે વિકેટ અનિલ કુંબલે (619) ના નામે છે. આ પછી કપિલ દેવ (434) અને હરભજન સિંહ (417 )નો આવે છે. 
.