રેસિપી / સવારે બ્રેકફાસ્ટમાં ઝટથી બની જાય એવી રવા ઇડલી 

રવા ઇડલી

સામગ્રી

- 1 કપ રવો
- 1 કપ તાજું દહીં
- 1 ચમચી ઇનો
- 1 કપ ઝીણી સમારેલી કોબીજ
- 1 કપ ઝીણી સમારેલી ડુંગળી
- 2 ચમચી કોથમીર
- મીઠો લીમડો વઘાર માટે
- 3 ઝીણા સમારેલા લીલા મરચાં
- મીઠું સ્વાદ મુજબ

રીત

રવાને ધીમા તાપ પર ગુલાબી થાય ત્યાં સુધી સેકીને એક તરફ મૂકી દો. જ્યારે રવો ઠંડો થઈ જાય ત્યારે એક બાઉલમાં નાખીને દહીંની સાથે મિક્સ કરી લો. હવે તેમાં ઇનો અને બાકીની સામગ્રી મિક્સ કરો. ઇડલી મેકરમાં થોડું પાણી ઉકાળી ઇડલીના સાંચામાં મિશ્રણ નાખી ઇડલી મેકરમાં 10-15 મિનિટ સુધી બફાવા દો. લીલી ચટણી કે સોસ સાથે સર્વ કરો.