કામની વાત / શું તમારા રાશન કાર્ડમાં પણ આ જાણકારી ખોટી છે? હા, તો તમને થઈ શકે છે 5 વર્ષની જેલની સજા

• રાશન કાર્ડ બનાવતા રાખી લો ધ્યાન
• શું તમારા રાશન કાર્ડમાં પણ આ જાણકારી ખોટી છે
• તમને થઈ શકે છે 5 વર્ષની જેલની સજા કે દંડ અથવા બંને

રાષ્ટ્રીય ખાદ્ય સુરક્ષા અધિનિયમના આધારે સરકાર કાર્ડધારક દરેક વ્યક્તિને દર મહિને 5 કિલો ઘઉં અને ચોખા આપે છે. આ માટે 2 કે 3 રૂપિયાની કિંમત લેવાય છે. ગરીબી રેખાની નીચે એટલે કે બીપીએલ કાર્ડ અને અંત્યોદય કાર્ડ ધારકોને સરકારની તરફથી વધારે રાશન મળે છે. એવામાં લોકો સરકારી યોજનાનો ફાયદો લેવા માટે રાશન કાર્ડ બનાવી રહ્યા છે. સરકાર પણ તેને માટે પહેલ કરી રહી છે.  

નકલી ડોક્યુમેન્ટ્સનો ઉપયોગ ન કરશો
જો તમે રાશન કાર્ડ બનાવવા કે કોઈનું નામ જોડાવવા ઈચ્છો છો તો નકલી ડોક્યુમેન્ટ્સનો ઉપયોગ ન કરશો. તે તમારા માટે મુશ્કેલી લાવશે. તેનાથી તમને જેલની સજા, દંડ કે પછી બંને ભોગવવું પડી શકે છે. 

શું કહે છે ફૂડ સિક્યોરિટી એક્ટ
આ નિયમમાં કહેવાયું છે કે નકલી રીતનો ઉપયોગ કરીને કે પછી નકલી રાશન કાર્ડ બનાવવા એ પહેલાથી દંડનીય અપરાધ છે. તેને લઈને હવે સરકાર કડક પગલા લઈ રહી છે. જો કોઈ નકલી રાશન કાર્ડ બનાવવા માટે દોષિત ગણાય છે તો તેને 5 વર્ષની જેલની સજા, દંડ કે પછી બંને આપવામાં આવે છે.  

જો તમારી પાસે રાશન કાર્ડ નથી તો પણ તમે તેને ઓનલાઈન સરળ રીતે બનાવડાવી શકો છો. રાશન કાર્ડ ઓનલાઈન બનાવવા માટે દરેક રાજ્યની તરફથી એક ખાસ વેબસાઈટ બનાવાઈ છે. તેને તમે જે રાજ્યના નિવાસી છો તેની વેબસાઈટ પર જઈને ઓનલાઈન એપ્લાય કરી શકો છો. 18 વર્ષ કે તેથી નાની ઉંમરના બાળકોના નામ માતા પિતાના રાશન કાર્ડમાં સામેલ કરાય છે. જો તમે 18 વર્ષથી વધુ ઉંમર ધરાવો છો તો તમે અલગ રાશન કાર્ડ માટે પણ અપ્લાય કરી શકો છો.