PILમાં કહેવાયું છે કે દેશમાં કુલ 3 કરોડ રાશન કાર્ડ રદ્દ કરાયા છે. તેનું કારણ છે કે તમામ આધાર કાર્ડથી લિંક ન હતા.
દેશમાં કુલ 3 કરોડ રાશન કાર્ડ રદ્દ કરાયા
આધાર કાર્ડથી લિંક ન હોવાથી થયા છે રદ્દ
ફરીથી નામ જોડવા માટે કરી લો આ પ્રોસેસ
છેલ્લા કેટલાક દિવસથી દેશના 3 કરોડ રાશન કાર્ડને રદ્દ કરવાની ખબર ચર્ચામાં છે. સુપ્રીમ કોર્ટમાં દાખલ યાચિકામાં કહેવાયું છે કે દેશના અલગ અલગ રાજ્યોમાંથી 3 કરોડ રાશન કાર્ડ રદ્દ કરાયા છે. તેનું કારણ તે તમામ આધાર સાથે લિંક ન હોવાનું આપવામાં આવ્યું છે. આ સમયે તમે તમારું નામ ફરીથી ચેક કરો અને જો તમારું નામ કેન્સલ કે રદ્દ થયું છે તો તમે તેને ફરીથી રાશન કાર્ડમાં આ રીતે જોડી શકો છો.
શા માટે રાશન કાર્ડમાંથી કપાય છે નામ
રાશન કાર્ડમાંથી નામ અનેક કારણોથી કાપવામાં આવે છે. જેમકે તમારું નામ કોઈ અન્ય રાશન કાર્ડમાં પહેલાથી ચાલી રહ્યું હોય કે પછી આધાર કાર્ડનો નંબર રાશન કાર્ડ સાથે જોડાયેલો ન હોય. આ સિવાય રાશન કાર્ડના મુખ્ય વ્યક્તિનું મોત નીપજ્યુ હોય તો પણ તેની સાથે તમારું નામ પણ રાશન કાર્ડમાંથી કપાઈ શકે છે. આ સ્થિતિમાં ગભરાશો નહીં અને રાશન કાર્ડને માટે ફરીથી અરજી કરીને તેને બનાવડાવો. આ સાથે તમે લગ્ન બાદ પત્ની કે બાળકોના જન્મ બાદ તેમના નામ પણ તેમાં જોડાવી શકો છો.
નામ એડ કરાવવા માટે તરત કરી લો આ કામ
જો કોઈનું નામ રાશન કાર્ડથી કેન્સલ થયું છે તો આધાર કાર્ડ અને તમારું નામ જે રાશન કાર્ડમાં જોડવાનું છે તે અને તેની ઝેરોક્ષ લઈને તમારા નજીકના સીએસસી કેન્દ્ર પર જાઓ. અહીં તમને તે માટેની સુવિધા મળી રહેશે અને તમને નામ જોડવા માટે કરાયેલી અરજીની રસીદ પણ મળશે. તેને તમે તમારા વિસ્તારમાં જમા કરાવો અને થોડા દિવસોમાં તમારું નામ જોડાઈ જશે અને તમે તેનો લાભ મેળવી શકશો.
આ છે રાશન કાર્ડ બનાવવાની શરતો
રાશન કાર્ડ બનાવવા માટે વ્યક્તિ ભારતનો નાગરિક હોય તે જરૂરી છે.
વ્યક્તિની પાસે અન્ય રાજ્યનું રાશન કાર્ડ ન હોવું જોઈએ.
જેના નામે રાશન કાર્ડ બની રહ્યું છે તેની ઉંમર 18 વર્ષથી વધારે હોવી જોઈએ.
એક પરિવારમાં પરિવારના મુખ્ય વ્યક્તિના નામે રાશન કાર્ડ હોય છે.
રાશન કાર્ડમાં જે સભ્યોને સામેલ કરાય છે તેનો મુખ્ય વ્યક્તિ સાથે નજીકનો સંબંધ જરૂરી છે.
પરિવારના દરેક સભ્યનું પહેલાં કોઈ અન્ય રાશન કાર્ડમાં નામ હોવું જોઈએ નહીં.
UP સરકાર વિધવાને વાર્ષિક 6000 રૂપિયા મદદ રૂપે આપે છે.
આ રીતે ઓનલાઈન કરી શકશો એપ્લાય
રાશન કાર્ડ બનાવવા માટે સૌ પહેલાં રાજ્યની અધિકૃત વેબસાઈટ પર જાઓ.
અહીં Apply online for ration cardની લિંક પર ક્લિક કરો.
રાશન કાર્ડ બનાવવા માટે આઈડી પ્રૂફમાં આધારકાર્ડ, વોટર આઈડી, હેલ્થ કાર્ડ, પાસપોર્ટ, ડ્રાઈવિંગ લાયસન્સ આપી શકાશે,
આ માટે 5 રૂપિયાથી લઈને 45 રૂપિયા ફી લેવામાં આવે છે. તે ભરો અને સબમિટ કરો.
ફિલ્ડ વેરિફિકેશન થયા બાદ જો તમે યોગ્ય જાણકારી આપી હશે તો 30 દિવસમાં તમારું રાશન કાર્ડ બની જશે.
આ ડોક્યૂમેન્ટ્સની પણ પડી શકે છે જરૂર
રાશન કાર્ડ બનાવવા માટે તમને આધારકાર્ડ, મતદાર આઈડી, પાસપોર્ટ, કોઈપણ સરકારે જાહેર કરેલું આઇકાર્ડ, આરોગ્ય કાર્ડ, ડ્રાઇવિંગ લાઇસન્સ વગેરેની જરૂર પડી શકે છે. આ સિવાય પાનકાર્ડ, પાસપોર્ટ સાઇઝ ફોટો, આવકનું પ્રમાણપત્ર, લાઈટ બિલ, ગેસ કનેક્શન બુક, ટેલિફોન બિલ, બેંક સ્ટેટમેન્ટ અથવા પાસબુક, ભાડા કરાર જેવા દસ્તાવેજો પણ સરનામાંના પુરાવા તરીકે આપી શકાય છે.