છેતરપિંડી / આની સામે તો લીગલ એક્શન લઇશ! પોતાના નામે છેતરપિંડી કરતાં ફેક પેજનો સ્ક્રીનશૉટ શેર કરીને બોલ્યા રતન ટાટા

• રતન ટાટાએ ટાટા ફાઉન્ડેશન નામના એક ફેસબુકને જણાવ્યું ફેક 
• કહ્યું ટાટાનાં નામનો ઉપયોગ કરી પૈસાની માંગણી કરવામાં આવી રહી છે
• અમે ચેરિટીને બદલે પૈસા સ્વીકારતા નથી - રતન ટાટા 

રતન ટાટાએ ટાટા ફાઉન્ડેશન નામના એક ફેસબુકને જણાવ્યું ફેક 

ભારતનાં દિગ્ગજ ઉદ્યોગપતિ અને ટાટા ગ્રુપનાં ચેરમેન રતન ટાટા પણ છેતરપીંડીનાં શિકાર બન્યા છે. તેમણે રતન ટાટા ફાઉન્ડેશન નામના એક ફેસબુક પેજને નકલી જણાવ્યું છે. ઉદ્યોગપતિ રતન ટાટાએ કહ્યું કે આ નકલી પેજનાં માધ્યમથી મદદનાં નામ પર તેમના સહયોગીઓ પાસેથી પૈસા માંગીને તેમને છેતરવામાં આવી રહ્યા છે. ટાટાએ પોતાના ફોલોવર્સને પણ અપીલ કરી છે કે અમે કોઈપણ પ્રકારનું ફંડ સ્વીકારતા નથી એટલે કે અમે કોઈપણ રૂપે પૈસાનો સ્વીકાર કરતા નથી. 

ટાટાનાં નામનો ઉપયોગ કરી પૈસાની માંગણી કરવામાં આવી રહી છે - રતન ટાટા 

ટાટા ટ્રસ્ટનાં ચેરમેન રતન ટાટાએ આજે સવારે પોતાના ઇન્સ્ટાગ્રામ પેજ પર ફેસબુક પેજનો એક સ્ક્રીનશોટ શેર કર્યો છે અને પોતાના ફોલોવર્સને આ પેજ પર રિપોર્ટ કરવા પણ કહ્યું છે. 

રતન ટાટાએ લખ્યું છે કે તમને આ છેતરપિંડી કરનાર પેજ વિષે જણાવવા જઈ રહ્યો છું. આ મારા સહયોગીઓનાં નામનો ઉપયોગ કરીને નિર્દોષ લોકોને છેતરી રહ્યા છે. આમાં મદદને બદલે પૈસાની માંગણી કરવામાં આવી રહી છે. તેમણે કહ્યું કે ટાટા ગ્રુપનું કોઈપણ ચેરીટેબલ ઓર્ગેનાઈઝેશન મદદને બદલે પૈસા સ્વીકારતા નથી. 

થશે કડક કાર્યવાહી 
રતન ટાટાએ કહ્યું કે તેમની ટીમ પેજ બનાવનારાઓ વિરુદ્ધ કડક લિગલ કાર્યવાહી કરશે. આગળ તેઓ પોતાના ફોલોવર્સને કહે છે કે ટાટાનાં નામનો ઉપયોગ કરનારા લોકો સામે [email protected] પર મેલનાં માધ્યમથી જાણકારી મોકલી શકાશે.