Tata NANO EV / રતન ટાટાને એટલી ગમી ગઈ આ કાર, કે પોતે જ બેસીને નીકળ્યા ફરવા

• Electra EV એ LinkedIn પર શેર કરી પોસ્ટ
• ટાટા નેનો ઇવી સાથે જોવા મળ્યા રતન ટાટા
• રતન ટાટાએ કારમાં બેસીને કરી સવારી  

દેશની દિગ્ગજ ઓટોમોબાઇલ કંપની ટાટા સન્સના ચેરમેન અને ઉદ્યોગ પતિ રતનટાટાએ એક નવી કારમાં સફર કરી. પુણે સ્થિતિ કંપની ઇલેક્ટ્રા ઇવીએ નેનો કારનું ઇલેક્ટ્રોનિક વેરિએન્ટ તૈયાર કર્યુ છે. જેમાં રતન ટાટાએ સફર કરી.  ઇલેક્ટ્રા ઇવીએ લિંક્ડઇન પર ખાસ અવસરની તસવીર શેર કરી છે. જેમાં નેનો ઇવી પાસે રતન ટાટા પણ જોવા મળી રહ્યા હતા સાથે જ સહયોગી શાંતનું નાયડૂ પણ જોવા મળ્યો હતો. ઇલેક્ટ્રા ઇવીએ જણાવ્યુ કે રતન ટાટાને આ કાર પસંદ આવી. તેઓને આ કાર એટલી ગમી કે તેમણે કાર સવારીનો આનંદ પણ માણ્યો.

કંપનીએ શેર કરી પોસ્ટ

કંપનીએ પોસ્ટ શેર કરતા  જણાવ્યુ હતું કે આ ટીમ ઇલેક્ટ્રા ઇવી માટે Moment Of Truth છે. જ્યારે અમારા ફાઉન્ડરે  કસ્ટમ બિલ્ટ નેનો ઇવીની સવારી કરી, જે ઇલેક્ટ્રા ઇવીના પાવરટ્રેન પર તૈયાર છે. અમે રતન ટાટાને નેનો ઇવી ડિલીવર કરીને તેમના ફીડબેક મેળવીને ગૌરવાન્વિત થયા છીએ.

Tata Nano EVની વિશેષતાઓ

• Tata Nano EV એ 4 સીટર કાર છે
• આ કારની રેન્જ 160 કિલોમીટર સુધીની છે.
• આ કાર 10 સેકન્ડથી ઓછા સમયમાં શૂન્યથી 60 કિમી પ્રતિ કલાકની ઝડપ પકડી લે છે.
• આ ઇલેક્ટ્રિક કારમાં લિથિયમ આયન બેટરીનો ઉપયોગ કરવામાં આવ્યો છે.