ભારે કરી! / રાતના સમયે રાષ્ટ્રપતિ ભવનમાં ઘુસી ગયા નશામાં ધૂત યુવક-યુવતી, જાણો સુરક્ષાકર્મીઓનાં કેમ છૂટી ગયા પરસેવા

• દેશની સૌથી સુરક્ષિત જગ્યાની સુરક્ષામાં ચૂક
• યુવક અને યુવતી ઘુસી ગયા ભવનમાં 
• સુરક્ષા એજન્સીઓ થઈ અલર્ટ, સુરક્ષા વધારવામાં આવી

શું છે સમગ્ર ઘટના
ભારતમાં સૌથી સુરક્ષિત જગ્યાઓમાંથી એક એટલે કે રાષ્ટ્રપતિ ભવનની સુરક્ષામાં મોટી ચૂક થઈ હોવાની ઘટના સામે આવી છે, સમગ્ર મામલે સુરક્ષા એજન્સીઓ સતર્ક થઈ ગઈ છે. ગઇકાલે એક યુવક અને યુવતી ગાડી લઈને રાષ્ટ્રપતિ ભવનમાં દાખલ થઈ ગયા હતા, જોકે બાદમાં ત્યાં બોડીગાર્ડ્સે તેમને પકડી પાડયા હતા. 

બેરીકેડ પાર કઈ રીતે કર્યા? જવાબદાર કોણ? 
સમગ્ર ઘટના સોમવારે રાતે લગભગ 9 વાગ્યાની આસપાસ થઈ હોવાનું સામે આવ્યું છે જેમા એક યુવક અને એક યુવતી ગાડી લઈને રાષ્ટ્રપતિભવનનાં 35 નંબરનાં ગેટ પાસેથી દાખલ થયા અને ત્રણ બેરીકેડ પાર કરીને અંદર સુધી પહોંચી ગયા હતા. 

સુરક્ષાકર્મીઓના છૂટી ગયા પરસેવા 
સૂત્રો અનુસાર બંને નશાની હાલતમાં હોવાનું જાણવા મળ્યું છે, જોકે તેમ છતાં સુરક્ષા એજન્સીઓ હવે સતર્ક થઈ ગઈ છે. પોલીસે બંનેને પકડીને સઘન પૂછપરછ કરી હતી અને તે બાદ તેમને કોર્ટમા હાજર પણ કરવામાં આવ્યા હોવાનું જાણવા મળ્યું છે. જોકે હજુ સુધી તે જાણકારી સામે નથી આવી કે આ બંને વ્યક્તિએ જાણી જોઈને આ હરકત કરી છે કે પછી ભૂલ થઈ છે. પોલીસ આ મામલે હજુ તપાસ કરી રહી છે અને રાષ્ટ્રપતિ ભવનની સુરક્ષા વધારી દેવામાં આવી છે, જવાનોને પણ અલર્ટ રહેવાના આદેશ આપવામાં આવ્યા છે.