સોશિયલ મીડિયા હેટર્સના કારણે રશ્મિકા મંદાનાનું દિલ તૂટ્યું છે. તેણે સોશિયલ મીડિયા પર લાંબી પોસ્ટ કરીને તેમને જવાબ જડબાતોડ જવાબ આપ્યો છે.
રશ્મિકા મંદાનાએ કરી આવી ઈન્સ્ટાગ્રામ પોસ્ટ
હેટર્સ પર ઉઠાવ્યા સવાલ
પોસ્ટ શેર કરતા જ ક્રિએટ થયો બઝ
નેશનલ ક્રશ રશ્મિકા મંદાના મોટાભાગે પોતાના લુક્સ અને ફિલ્મોને લઈને ચર્ચામાં રહે છે. પરંતુ હાલ તેના ચર્ચામાં આવવાનું કારણ એક નિવેદન છે. જેમાં તેણે જણાવ્યું છે કે કઈ રીતે એક સમયે તેને લોકોની નફરતનો સામનો કરવો પડ્યો હતો. એક્ટ્રેસે આ વાતનો ખુલાસો પોતાની ઈન્સ્ટાગ્રામ પોસ્ટ દ્વારા કર્યો છે. જેના વિશે જાણીને બધા ચોંકી ઉઠ્યા છે. એવામાં લોકોની અલગ અલગ પ્રતિક્રિયા પણ સામે આવી રહી છે.
એક્ટ્રેસે પોસ્ટ કરી ઠાલવી હૈયાવરાળ
એક્ટ્રેસે પોસ્ટ કરીને લખ્યું, "પાછલા ઘણા દિવસો, અઠવાડિયા અને મહિનાઓથી કદાચ વર્ષોથી અમુક વસ્તુઓ મને પરેશાન કરી રહી છે અને મને લાગે છે કે તેને પર વાત કરવી જોઈએ. આ કંઈક એવું છે જેના પર મારે પહેલા જ વાત કરી લેવી જોઈતી હતી. જ્યારથી મેં મારા કરિયરની શરૂઆત કરી ત્યારથી મને નફરતનો સામનો કરવો પડી રહ્યો છે."
દરેકને ખુશ કરવા કામ કરૂ છું....
રશ્મિકાએ આગળ કહ્યું, "મને ખબર છે કે મારુ જીવન કિમતી છે- આઈ અન્ડરસ્ટેન્ડ ધેટ આઈ એમ નોટ કપ ઓફ ટી ફોર એવરી વન અને દરેક વ્યક્તિ પાસેથી પ્રેમની આશા ન કરી શકાય. એનો મતલબ એ નથી કે તમે મને સ્વીકારી નથી શકતા કે પસંદ નથી કરી રહ્યા તો તમે મારા વિરૂદ્ધ નકારાત્મકતા ફેલાવી શકો છો. ફક્ત મને જ ખબર છે કે હું તમને બધાને ખુશ કરવા માટે કઈ રીતે કામ કરુ છું. મારા દ્વારા કરવામાં આવેલા કામથી તમને જે ખુશી મળે છે. મને તેની પરવાહ છે. હું હકીકતે એ વસ્તુઓથી બહાર આવવાનો સંપૂર્ણ પ્રયત્ન કરી રહી છું. જેના પર તમને અને મને બન્નેને ગર્વ છે. "
આ વસ્તુ દિલ તોડે તેવી છે...
રશ્મિકાએ આગળ લખ્યું, "આ દિલ તોડે તેવું છે અને મનોબળ ઓછુ કરે તેવું છે, જ્યારે સોશિયલ મીડિયા પર મારો મજાક બનાવવામાં આવી રહ્યો છે અને ખાસ કરીને એ વસ્તુઓ માટે જે મેં નથી કહી. મને ખબર છે કે ઈન્ટરવ્યૂમાં મેં જે પણ કંઈક કહ્યું તે હવે મારા જ ખિલાફ થઈ ગયું છે. ખોટી વાતો ઈન્ટરનેટ પર ફેલાવવામાં આવી રહી છે. હું રચનાત્મક આલોચનાનું સ્વાગત કરૂ છું. તેનાથી હું વધારે સારૂ કરી શકીશ. પરંતુ નકારાત્મકતા અને નફરત?"
"મને લાંબા સમય સુધી તેની અવગણના કરવા માટે કહેવામાં આવ્યું. પરંતુ હવે તે વધારે થઈ ગયું છે. આ વિશે વાત કરવામાં કોઈ પાસેથી જીતવાનો પ્રયત્ન નથી કરી રહી. બું બસ એક વ્યક્તિની રીતે પોતાને બંધાયેલી અને મજબૂર મહેસુસ નથી કરવા માંગતી. " આ ઉપરાંત રશ્મિકાએ તેને સપોર્ટ કરતા ફેન્સને ધન્યવાદ કહ્યું છે.