ગુડબાય ફિલ્મના પ્રમોશનને લઈને સાઉથ સ્ટાર રશ્મિકા મંદના અમદાવાદ આવી હતી. જ્યાં તેમણે ગરબે ઘૂમવાની મોજ માણી હતી.
સાઉથ સ્ટાર રશ્મિકા મંદાન્ના અમદાવાદની મુલાકાતે
ગુડબાય ફિલ્મના પ્રમોશનને લઈ અમદાવાદ આવી
નવરાત્રીના પર્વને લઇ ગરબે ઘૂમી માતાજીની કરી આરાધના
બોલિવૂડ ફિલ્મ ગુડબાયના પ્રમોશનને લઈ સાઉથ સ્ટાર રશ્મિકા મંદાન્ના વ્યસ્ત છે. આ ફિલ્મના પ્રમોશનને લઈ તે અનેક શહેરોની મુલાકાત લઇ રહી છે. જેના ભાગરૂપે તે અમદાવાદ ખાતે આવી પહોંચી હતી. જ્યાં તે નવરાત્રીના પર્વને લઇ ગરબે ઘૂમી માતાજીની આરાધના કરી હતી.
રશ્મિકાના વિડીયોમાં દર્શકો દ્વારા ઢગલાબંધ લાઇક
હાલ રશ્મિકાના ઘણા વીડિયો સોશિયલ મીડિયામાં જમાવટ કરી રહ્યા છે. પાપારાઝી વાઈરલ ભાયાનીએ ઈન્સ્ટાગ્રામ પર અભિનેત્રીનો એક વીડિયો પણ રિલીઝ કર્યો છે, જેમાં રશ્મિકા ટ્રેડીશનલ લૂકમાં જબરદસ્ત ગરબા રમતી જોવા મળી રહી છે. જે વિડિયોએ દર્શકોના દિલ જીતી લીધા છે. જે વિડીયો મોટા પાયે વાયરલ થયો છે અને લાખ્ખો દર્શકોએ તેને ઢગલાબંધ લાઇક્સ આપી છે અને વીડિયો પર જોરદાર કોમેન્ટ કરી રહ્યા છે. અમુક દર્શકોએ તેના હાવભાવના વખાણ કર્યા તો અમુક દર્શકોએ પોતાના દિલવાળા ઇમુઝી પણ સેન્ડ કર્યા છે.
7 ઓક્ટોબરના રોજ રિલીઝ થશે
ગુડબોય ફિલ્મ વિકાસ બહલ દ્વારા નિર્દેશન એક ફેમિલી ડ્રામા ફિલ્મ છે. આ ફિલ્મને લઇને રશ્મિકા મંદાન્ના દ્વારા બોલિવૂડમાં ડેબ્યૂ કરવા જઈ રહી છે અને તેને પહેલી જ ફિલ્મમાં અમિતાભ બચ્ચન સાથે સ્ક્રીન શેર કરવાની તક પણ મળી રહી છે. નીના ગુપ્તા, પાવેલ ગુલાઠી, એલી અવરામ, સુનીલ ગ્રોવર અને સુનીલ મહેતા આ ફિલ્મમાં સહાયક ભૂમિકામાં નજરે ચડશે. જે આ ફિલ્મ 7 ઓક્ટોબર 2022ના રોજ રિલીઝ થશે.