રશ્મિકા મંદાના અને અમિતાભ બચ્ચનની આ ફિલ્મ એક ફેમિલી ડ્રામા છે. બોક્સ ઓફિસની એક રિપોર્ટ મુજબ આ ફિલ્મ પહેલા દિવસે કેટલો બિઝનેસ કરી શકે છે એ વિશે તમને જણાવવા જઈ રહ્યા છીએ.
રશ્મિકાની બૉલીવુડમાં ડેબ્યૂ ફિલ્મ સાથે અમિતાભ બચ્ચન સાથે કામ કરવાની તક મળી
લોકો કરી રહ્યા છે ફિલ્મના વખાણ
હિન્દુસ્તાની ભાઉએ કરી બૉયકોટની માંગ
સાઉથ ઇન્ડસ્ટ્રીમાં ધૂમ મચાવનારી હિરોઈન રશ્મિકા મંદાનાએ બોલિવૂડમાં એન્ટ્રી કરી લીધી છે. આજે રશ્મિકા ની બોલિવૂડ ડેબ્યુ ફિલ્મ 'ગુડબાય' સિનેમાઘરોમાં રિલીઝ થઈ ગઈ છે. રશ્મિકા મંદાનાના ચાહકો તેની બોલિવૂડ ડેબ્યૂની આતુરતાથી રાહ જોઈ રહ્યા હતા. સાઉથની ફિલ્મ પુષ્પા પછી રશ્મિકાની ફેન ફોલોઈંગ બમણી થઈ ગઈ છે અને એક સમય એવો હતો જ્યારે તેને નેશનલ ક્રશ પણ જાહેર કરવાની લોકો વાતો કરતાં હતા.
જણાવી દઈએ કે રશ્મિકાની બૉલીવુડમાં ડેબ્યૂ ફિલ્મ સાથે અમિતાભ બચ્ચન સાથે કામ કરવાની તક મળી છે. રશ્મિકા મંદાના અને અમિતાભ બચ્ચનની આ ફિલ્મ એક ફેમિલી ડ્રામા છે જેમાં રશ્મિકા અમિતાભ બચ્ચનની દીકરીના રોલમાં જોવા મળે છે અને આ ફિલ્મનું ટ્રેલર અને ગીતો લોકોને ખૂબ પસંદ કરવામાં આવ્યા હતા. બોક્સ ઓફિસની એક રિપોર્ટ મુજબ આ ફિલ્મ પહેલા દિવસે કેટલો બિઝનેસ કરી શકે છે એ વિશે તમને જણાવવા જઈ રહ્યા છીએ.
Looking at this picture makes me feel so peaceful but knowing that just one more week I have butterflies in my tummy..
Get ready to meet my pariwaar.. ❤️ #GoodbyeOnOct7pic.twitter.com/PTwarlk279
લોકો કરી રહ્યા છે વખાણ
જો કે લોકો ફિલ્મની સ્ટોરી, રશ્મિકા અને અમિતાભની એક્ટિંગના વખાણ કરી રહ્યા છે પણ સાથે એમ પણ કહી રહ્યા છે કે સ્ટોરીમાં કશું નવું નથી. ફિલ્મ ગુડબાયમાં અમિતાભ બચ્ચન સાથે રશ્મિકા મંદન્ના, નીના ગુપ્તા, પાવેલ ગુલાટી, એલી અવરામ સહિતના ઘણા કલાકારો જોવા મળ્યા છે અને એમની એક્ટિંગને કારણે ફિલ્મ ખાસ બની રહી છે. આ સાથે જ અમિતાભ બચ્ચનની ફેમિલી ડ્રામા પીકુ ને પણ લોકો યાદ કરી રહ્યા છે.
પહેલા દિવસે કેટલો બિઝનેસ કરી શકે છે ફિલ્મ
રશ્મિકા મંદાનાની બૉલીવુડ ડેબ્યૂ ફિલ્મ પહેલા દિવસે ખાસ કમાણી કરે એવી શક્યતા દેખાઈ રહી નથી. જો કે ફિલ્મ સ્ટાર જબરદસ્ત રીતે 'ગુડબાય'નો પ્રચાર કરી રહ્યા છે. એક મીડિયા રિપોર્ટ અનુસાર ફિલ્મ 'ગુડબાય' પહેલા દિવસે લગભગ 2 કરોડની આસપાસનો બિઝનેસ કરી શકે છે.
હિન્દુસ્તાની ભાઉએ કરી બૉયકોટની માંગ
હિન્દુસ્તાની ભાઉએ ઈન્સ્ટાગ્રામ પર એક વીડિયો શેર કર્યો હતોઅને એમના એ સાડા 11 મિનિટના આ વીડિયોમાં હિન્દુસ્તાની ભાઉએ ભારતીય સેનાનું ઘણું સન્માન કર્યું તો બીજી તરફ ફિલ્મને બૉયકોટ કરવાની માંગ કરી હતી. તેણે વીડિયોમાં કહ્યું- 'આજથી બે વર્ષ પહેલા 'એક થા કબૂતર'એ ALTBalajiમાં ટ્રિપલ X A સિરીઝ બનાવી હતી. આમાં આપણી ભારતીય સેના, તેમના યુનિફોર્મ અને તેમના પરિવારની બદનામી કરવામાં આવી હતી. એ સમયે એકતાને માફી માંગવાનું કહેવામાં આવ્યું હતું. પણ એ સમયે મને પૈસા આપીને ખરીદવાનો પ્રયાસ કરવામાં આવ્યો હતો, મને ધમકી આપવામાં આવી હતી. મારા માટે ભારતીય સેનાથી વધુ પૈસા નથી. એટલા માટે જ આજે કહેવું પડે છે કે એમની ફિલ્મ 'ગુડબાય'ને બૉયકોટ કરવી એ આપણી બધાની ફરજ છે.'