અમિતાભ બચ્ચન, નીના ગુપ્તા અને રશ્મિકા મંદાનાની ફિલ્મ 'ગુડબાય'(Goodbye) નું ટ્રેલર રિલીઝ થયું, આ ફિલ્મથી સાઉથની સ્ટાર અભિનેત્રી રશ્મિકા મંદાના બોલિવૂડમાં ડેબ્યુ કરવા જઈ રહી છે.
ફિલ્મ 'ગુડબાય'(Goodbye) નું ટ્રેલર રિલીઝ
ફિલ્મ 'ગુડબાય' થી રશ્મિકા મંદાના બોલિવૂડમાં ડેબ્યુ કરવા જઈ રહી
રશ્મિકા મંદાના અને અમિતાભ બચ્ચન મોટા પડદા પર એક સાથે દેખાશે
અમિતાભ બચ્ચન, નીના ગુપ્તા અને રશ્મિકા મંદાનાની ફિલ્મ 'ગુડબાય'(Goodbye) નું ઘણા સમયથી રાહ જોવાતું ટ્રેલર અંતે રિલીઝ થઈ ગયું છે. આ ફિલ્મ હિંદી સિનેમાના દર્શકોની સાથે સાથે સાઉથના લોકો માટે પણ ખાસ છે. તેની પાછળનું કામ છે ફિલ્મ 'ગુડબાય' થી પુષ્પા ફિલ્મની સ્ટાર રશ્મિકા મંદાના બોલિવૂડમાં ડેબ્યુ કરવા જઈ રહી છે.
ફેન્સને પસંદ આવ્યું ટ્રેલર
ફિલ્મ ગુડબાય ના ટ્રેલરને સોશિયલ મીડિયા પર સારો પ્રતિસાદ મળી રહ્યો છે. ફિલ્મના ટ્રેલરમાં એક અનોખુ ફેમિલી બોન્ડ બતાવવામાં આવ્યું છે. ટ્રેલરમાં રશ્મિકા મંદાના અને અમિતાભ બચ્ચન વચ્ચેની નોકઝોંક બતાવવામાં આવી છે જે લોકોને પસંદ આવી રહી છે. આ સાથે જ અમિતાભ અને નીના જે સીનમાં સાથે આવ્યા એ દરેક સીન લોકોને અચંબિત કરી ગયા છે. કોમેડિયન સુનીલ ગ્રોવર પણ આ ફિલ્મનો એક ભાગ છે.
ક્યારે થશે રિલીઝ
ફિલ્મમાં અમિતાભ બચ્ચન રશ્મિકા મંદાનાના પિતાની ભૂમિકા ભજવતા નજર આવેછે. નીના ગુપ્તા તેની માતાના રોલમાં નજર આવશે, આ સાથે જ ફિલ્મમાં પાવેલ ગુલાટી, અભિષેક ખાન, સાહિલ મહેતા, પાયલ થાપા જેવા કલાકારો પણ મહત્વની ભૂમિકામાં જોવા મળશે. આ ફિલ્મ 7 ઓક્ટોબરે સિનેમાઘરોમાં રિલીઝ થશે. ફિલ્મ ગુડબાય નું નિર્દેશન વિકાસ બહલે કર્યું છે.
અમિતાભ બચ્ચનની આવનારી ફિલ્મ
અમિતાભ બચ્ચનના વર્કફ્રન્ટ વિશે વાત કરીએ તો તેમની છેલ્લી ફિલ્મ ઝુંડ હતી. ગુડબાય રિલીઝ પહેલા બિગ બી ફિલ્મ બ્રહ્માસ્ત્રમાં જોવા મળશે. બ્રહ્માસ્ત્ર એક મલ્ટિસ્ટારર ફિલ્મ છે જેમાં રણબીર કપૂર, આલિયા ભટ્ટ, નાગાર્જુન, મૌની રોય પણ છે. આ ફિલ્મ 9 સપ્ટેમ્બરે સિનેમાઘરોમાં રિલીઝ થશે.
રશ્મિકા મંદાનાનું બૉલીવુડમાં ડેબ્યૂ
રશ્મિકા મંદાના 2022 ની સૌથી મોટી હિટ ફિલ્મ પુષ્પામાં જોવા મળી હતી. સાઉથની ફિલ્મોમાં નામ કમાયા પછી રશ્મિકા મંદાના હવે બોલિવૂડમાં તેની છાપ છોડવા માટે તૈયાર છે. રશ્મિકા મંદાનાહાલમાં બોલિવૂડની ઘણી ફિલ્મો કરી રહી છે. સિદ્ધાર્થ મલ્હોત્રા સાથે મિશન મજનૂમાં પણ રશ્મિકા મંદાના જોવા મળશે. આ સિવાય રશ્મિકાને પુષ્પા 2 માં પણ જોવા મળશે.