ટીવી જગત / '...અને બેહોશ કરવાની કોશિશ કરી', જુઓ કઇ રીતે 16 વર્ષની ઉંમરે જ કાસ્ટિંગ કાઉચનો શિકાર બની રશ્મિ દેસાઇ

સાઉથથી લઈને બોલિવૂડની સાથે સાથે ટીવી સુધીના ઘણા સ્ટાર્સ કાસ્ટિંગ કાઉચનો શિકાર બન્યા છે. ઘણી વખત સેલેબ્સે કાસ્ટિંગ કાઉચને લઈને એવા ખુલાસા કર્યા કે લોકો અવાક થઈ ગયા. હવે ટેલિવિઝનની તપસ્યા એટલે કે રશ્મિ દેસાઈએ કાસ્ટિંગ કાઉચ પર મોટો ખુલાસો કર્યો છે. અભિનેત્રીએ કહ્યું કે તે વ્યક્તિ તેને બેભાન કરવા માંગતો હતો.

અભિનેત્રીએ કર્યો ખુલાસો

રશ્મિ દેસાઈએ એક ઈન્ટરવ્યુમાં તેની સાથે થયેલી ભયાનક ઘટના વિશે જણાવ્યું છે. જે જાણીને તમે પણ અવાક રહી જશો. અભિનેત્રીએ કહ્યું કે મને ઇન્ટરવ્યુ માટે બોલાવવામાં આવી હતી. મેં જઈને જોયું તો એ માણસ સિવાય ત્યાં કોઈ નહોતું. તે સમયે હું 16 વર્ષની હતી. તેણે મને બેભાન કરવાનો પ્રયાસ કર્યો પરંતુ હું કોઈક રીતે ત્યાંથી બહાર ભાગી ગઈ હતી.

માતાએ થપ્પડ મારી દીધી

અભિનેત્રીએ વધુમાં કહ્યું કે મેં આ આખી વાત મારી માતાને કહી. બીજા દિવસે મા તે માણસને મળવા મારી સાથે આવી. માતાએ તે વ્યક્તિને પાઠ ભણાવવા માટે થપ્પડ મારી હતી. આ ઘટના ઘણા વર્ષો પહેલા બની હોવા છતાં મનમાં હજુ પણ તાજી છે.

રશ્મિ દેસાઈ એક પ્રખ્યાત ટેલિવિઝન અભિનેત્રી છે. ઉત્તરન સિરિયલમાં તપસ્યાની ભૂમિકાએ તેને ટીવી સિરિયલોની રાણી બનાવી દીધી હતી. આ સિવાય તે પરી હું મેં, રાવણ અને 'બિગ બોસ 13'માં પણ જોવા મળી હતી. આ સાથે તેણે ઘણી વેબ સિરીઝ અને ફિલ્મોમાં પણ કામ કર્યું છે.

વધુ વાંચો : જોયો હરભજનની પત્નીનો રોયલ લુક્સ? તસવીરો એવી કે જોતા જ રહી જશો, જુઓ Photos

વિવાહિત જીવનની વાત કરીએ તો રશ્મિ દેસાઈએ વર્ષ 2012માં ઉત્તરનના કો-સ્ટાર નંદિશ સંધુ સાથે લગ્ન કર્યા હતા. પરંતુ ચાર વર્ષ પછી બંનેના છૂટાછેડા થઈ ગયા. છૂટાછેડા પછી રશ્મિનું નામ ઘણા સ્ટાર્સ સાથે જોડાયું હતું. બોયફ્રેન્ડ અરહાન ખાન પણ 'બિગ બોસ 13'માં આવ્યો હતો. બંને વચ્ચે ઉગ્ર બોલાચાલી થઈ અને સલમાને અરહાનનો પર્દાફાશ કર્યો. હાલમાં અભિનેત્રીનું અરહાન સાથે બ્રેકઅપ થઈ ગયું છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ