બિગ બોસ 13 / અરહાન ખાન થયો બહાર, રડતા-રડતા રશ્મિએ કહ્યું અરહાન વિરૂદ્ધ કંઈ જ સાંભળી નહીં શકું

• 2 જ સપ્તાહમાં ઘરમાંથી એવિક્ટ થયો અરહાન ખાન
• ઘરમાં છુપાવી રહ્યો હતો રિયલ પર્સનાલિટી
• રશ્મિ અરહાનના જવાથી થઈ ઈમોશનલ

ખૂબ રડી રશ્મિ

અરહાન ખાન જેમ જ ઘરમાંથી બહાર નીકળ્યો રશ્મિ સીધી વોશરૂમમાં જતી રહે છે અને જોરજોરથી રડવા લાગે છે. આ સમયે દેવોલિના ભટ્ટાચાર્ય ત્યાં પહોંચી જાય છે અને રશ્મિને ચુપ કરાવે છે.  દેવોલિના રશ્મિને પ્રોત્સાહિત કરે છે અને નબળા ન પડવાની સલાહ આપે છે. જોકે, 2 જ સપ્તાહમાં અરહાનનું શોમાંથી એક્ઝિટ દર્શકો માટે પણ ઘણું જ શોકિંગ છે. 

ઘરમાં અરહાન પોતાની રિયલ પર્સનાલિટીને છુપાવી રહ્યો હતો

આ સમય દરમિયાન, ઘરના બાકીના સભ્યો અરહાન ખાનના એવિક્શન પણ વાતચીત કરે હતા. પારસ છાબરા અને સિદ્ધાર્થ શુક્લાનું માનવું છે કે અરહાન ખાન ઘરમાં પોતાની રિયલ પર્સનાલિટીને છુપાવી રહ્યો હતો.

પછી પારસ રશ્મિ દેસાઈને કહે છે કે અરહાન બિગ બોસ હાઉસમાં તેની રિયલ પર્સનાલિટી બતાવી રહ્યો નહોતો. અરહાન શોમાં ગુડ બોય બનવાની કોશિશ કરી રહ્યો હતો. જોકે, રશ્મિ પારસની વાતો સાથે સંમત નહોતી. રશ્મિ પારસને કહે છે કે અરહાન પહેલાં બહુ જ ઝગડાખોર હતો. પરંતુ છેલ્લા કેટલાક વર્ષોમાં તે ઘણો જ બદલાઈ ગયો છે. તેના વિચારો અલગ છે. તે લોન્ગ ટર્મ વિચારધારા રાખે છે અને બધાંથી અલગ ચાલે છે. 

પારસ પર ગુસ્સે થઈ રશ્મિ

રશ્મિની વાતોનો જવાબ આપતા પારસ કહે છે કે, અરહાન ભલે લોન્ગ ટર્મના વિચાર રાખે છે પણ આ શો શોર્ટ ટર્મ છે. તેની પાસે એટલો સમય નહોતો. આવું સાંભળી રશ્મિ પારસ પર ગુસ્સે થઈને કહે છે કે, ગમે તે હોય હું અરહાન વિરૂદ્ધ કંઈ જ સાંભળી નહીં શકું. કેટલીક રિપોર્ટ્સ મુજબ રશ્મિ અને અરહાન એકબીજાને ડેટ કરી રહ્યાં છે. પણ બિગ બોસ હાઉસમાં તેમની ખાસ રોમેન્ટિક કેમિસ્ટ્રી દેખાઈ નહીં. તેઓ શોમાં સારાં મિત્રો તરીકે દેખાયા હતા.