ઇંગ્લેન્ડના પૂર્વ કેપ્ટન કેવિન પીટરસને કહ્યું કે સ્પિનર રાશિદ ખાન અફઘાનિસ્તાનની હાલત જોઇને ખુબ ચિંતામાં છે. તે પોતાના પરિવારને અફઘાનિસ્તાનમાંથી બહાર કાઢી શકતો નથી.
રાશિદ ખાને પોસ્ટ કરી સ્ટોરી
રાત્રે ઉંઘી શકતો નથી : રાશિદ
પરિવાર માટે ચિંતામાં રાશિદ ખાન
અફઘાનિસ્તાનમાં ચાલી રહેલી ઉથલ પાથલના કારણે કાબુલના ઍરપોર્ટ પર દુનિયાભરની ફ્લાઇટ અટકી ગઇ છે.
રાશિદ ખાન હાલ યુનાઇટેડ કિંગડમમાં છે અને પીટરસને કહ્યું કે, રાશિદ ખાન પોતાના પરિવારને લઇને ખુબ ચિંતામાં છે. તે પોતાના પરિવારને અફઘાનિસ્તાનમાંથી બહાર કાઢી શકે તેમ નથી.
તાલિબાની આતંકીઓએ અફઘાનિસ્તાનની રાજધાની કાબૂલ પર કબજો જમાવી લીધો છે અને દેશના રાષ્ટ્રપતિ અશરફ ગની તાજિકિસ્તાન માટે રવાના થઇ ગયા છે કારણકે રાષ્ટ્રપતિ ભવન પર પણ કબજો કરી લેવામાં આવ્યો છે.
રાશિદે ભાવૂક પોસ્ટ મૂકી
રાશિદ ખાને હાલમાં જ સોશ્યલ મિડીયા પર એક સ્ટોરી મૂકી છે જેમાં તેણે પ્રાર્થના કરતા હાથનું ઇમોજી મૂક્યુ છે અને લખ્યું છે કાન્ટ સ્લીપ, આ સ્ટોરી સોશ્યલ મિડીયા પર ખુબ વાયરલ થઇ રહી છે.
આપણે સૌ જાણીએ છીએ કે દેશ પર કોઇનો કબ્જો થઇ જાય તે બાદ દરેક માણસ ડરી જાય છે અને આગળ શું થશે તે વિચારી પણ શકતી નથી. રાશિદ ખાન એક ટુર્નામેન્ટ માટે ઇંગ્લેન્ડમાં છે પરંતુ આ પ્રકારના પ્રેશરમાં તે કેવી રીતે સારુ પ્રદર્શન કરી શકશે. કેવિન પીટરસને પણ આવું જ કહ્યું કે, રાશિદ ઓલરેડી તણાવમાં છે અને આ તણાવમાં તેના પર સારુ પફોર્મ કરવાનું પણ પ્રેશર છે.
અફઘાનિસ્તાની ક્રિકેટરે કરી અપીલ
ભયના માહોલ વચ્ચે દિગ્ગજ ક્રિકેટર રાશિદ ખાને દુનિયાભરના નેતાઓને અપીલ કરી છે. રાશિદે માર્મિક શબ્દોમાં ટ્વિટર પર લખ્યું કે અમને મરવા માટે ન છોડો. મહત્વનું છે કે છેલ્લા કેટલાક દિવસોથી અફઘાનિસ્તાનમાં તાલિબાન આતંકવાદીઓનો કહેર વધતો જઇ રહ્યો છે. અફઘાનિસ્તાનના ઘણા શહેરો પર કબ્જો જમાવી લીધો છે અને લોકો પોતાના ઘરમાંથી બહાર નીકળતા ડરી રહ્યાં છે.
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
Don’t leave us in chaos. Stop killing Afghans & destroying Afghaniatan🇦🇫.
We want peace.🙏
રાશિદે શું કરી અપીલ
પોતાના દેશની પરિસ્થિતિ સુધારવા માટે ફેમસ ક્રિકેટર રાશિદ ખાને સોશ્યલ મિડીયાનો સહારો લીધો છે. રાશિદે ટ્વિટર પર લખ્યું કે, દુનિયાભરના પ્રિય નેતાઓ.. મારો દેશ સંકટમાં છે. હજારો લોકો મરી રહ્યાં છે. મહિલાઓ અને બાળકોને મોતને ઘાટ ઉતારવામાં આવી રહ્યાં છે. અમારા લોકો શહીદ થઇ રહ્યા છે. આગળ રાશિદે અફઘઆનિસ્તાનનો હાલ લખાણમાં ઉતાર્યું છે. સ્પિનરે લખ્યું કે ઘર અને સંપત્તિઓને તબાહ કરવામાં આવી રહી છે. હજારો લોકો પોતાનું ઘર છોડીને જવા મજબૂર બન્યા છે. આવી હાલમાં પ્લીઝ અમને એકલા ન મૂકો, અફઘાનના લોકોની હત્યા અને અફઘાનિસ્તાનને બર્બાદ થવા પહેલા બચાવી લો, અમે શાંતિ ઇચ્છીએ છીએ.