Rashi Parivartan 2021 / માર્ચમાં આ ગ્રહોની બદલાશે ચાલ, જાણો તારીખો અને તેનો પ્રભાવ

• માર્ચ મહિનામાં થશે ગ્રહોનું રાશિ પરિવર્તન
• તમામ 12 રાશિ પર થશે અસર
• રાહુ કેતુ સિવાય અનેક ગ્રહો કરશે રાશિ પરિવર્તન
   

કહેવાય છે કે વ્યકિતના જીવનમાં ગ્રહોનો મોટો પ્રભાવ રહે છે. ગ્રહોના રાશિ પરિવર્તનની અસર પણ 12 રાશિઓ પર જોવા મળશે. માર્ચ મહિનામાં અનેક ગ્રહોનું રાશિ પરિવર્તન થશે. વર્ષના ત્રીજા મહિનામાં સૂર્ય, બુધ સહિત અનેક ગ્રહો પોતાની ચાલ બદલી રહ્યા છે. તો જાણો માર્ચ 2021માં રાશિ પરિવર્તનની તારીખો અને તેનો કેવો રહેશે પ્રભાવ.

સૂર્ય કરશે રાશિ પરિવર્તન
સૂર્યદેવ 14 માર્ચના રોજ રાશિ પરિવર્તન કરશે. મીન રાશિમાં પ્રવેશ કર્યા બાદ હવે તે આ રાશિમાં 14 એપ્રિલ સુધી રહેશે. સૂર્ય ગોચરને જ્યોતિષમાં સંક્રાંતિ પણ કહેવામાં આવે છે. મીન રાશિમાં સૂર્યના ગોચરને મીન સંક્રાંતિ કહેવાય છે. મીન રાશિના જાતકોને સૂર્યના રાશિ પરિવર્તન સમયે મિશ્રિત ફળ મળશે.  

મંગળ નહીં બદલે તેની રાશિ
માર્ચ મહિનામાં મંગળ ગ્રહ તેની રાશિ પરિવર્તન કરશે નહીં. મંગળ ગ્રહને ક્રોધ અને યુધ્ધનો કારક માનવામાં આવે છે. તે મેષ અને વૃશ્વિક રાશિનો સ્વામી ગણાય છે.  

બુધ દેવ આ સમયે બદલશે રાશિ
બુદ્ધિ અને વાણીના કારક બુધ 11 માર્ચે રાશિ પરિવર્તન કરશે. બુધ ગ્રહ કુંભ રાશિમાં પ્રવેશ કર્યા બાદ 1 એપ્રિલ સુધી આ રાશિમાં વિરાજમાન રહેશે. કુંભ શનિની રાશિ છે. શનિ અને બુધની વચ્ચે મૈત્રી ભાવ છે. એવામાં બુધનું રાશિ પરિવર્તન કુંભ રાશિના લોકોને માટે શુભદાયી સાબિત થશે.  

ગુરુ નહીં બદલે ચાલ
માર્ચ મહિનામાં ગુરુ ગ્રહ પોતાની રાશિ પરિવર્તન કરશે નહીં. એપ્રિલમાં ગુરુની ચાલ બદલાશે. જ્યોતિષમાં ગુરુ ગ્રહને સંતાન, વિવાહ, ધર્મ અને જ્ઞાનનો કારક માનવામાં આવે છે. 
 
આ દિવસે શુક્ર બદલશે ચાલ
શુક્ર દેવ માર્ચમાં 17 તારીખે મીન રાશિમાં ગોચર કરશે. આ રાશિમાં શુક્ર દેવ 10 એપ્રિલ સુધી વિરાજમાન રહેશે. વૃષભ અને તુલા રાશિના સ્વામી શુક્ર દેવના રાશિ પરિવર્તનથી મીન રાશિના લોકોએ ઉતાર ચઢાવનો સામનો કરવો પડી શકે છે.  

આ 2 ગ્રહોની ચાલ નહીં બદલાતા રહેશે રાહત
માર્ચ મહિનામાં રાહુ અને કેતુ બંને પોતાની ચાલ બદલશે નહીં.