બિગ બોસ 13ની ચોથી ફાઈનલિસ્ટ રશ્મિ દેસાઈએ તેના આગામી પ્લાન્સ વિશે જણાવ્યું. રશ્મિ એક ઈન્ટરવ્યૂમાં શોમાં તેની જર્નીથી લઈને તેના ફેવરિટ કન્ટેસ્ટંટને લઈને વાત કરી. તેણે જણાવ્યું કે, તેને આસિમ રિયાઝ અને દેવોલિના ભટ્ટાચાર્જી બહુ જ પસંદ હતી.
બિગ બોસ 13ની ચોથી ફાઈનલિસ્ટ રશ્મિ દેસાઈએ જણાવ્યા તેના પ્લાન્સ
ઈન્ટરવ્યૂમાં શોમાં તેની જર્નીથી લઈ ફેવરિટ કન્ટેસ્ટંટ અંગે કરી વાત
આ હતા રશ્મિના ફેવરિટ કન્ટેસ્ટંટ
ઈન્ટરવ્યૂમાં વાતચીત દરમિયાન રશ્મિ દેસાઈએ બિગ બોસના ઘરમાં તેના અનુભવો શેર કર્યા હતા. તેણે તેના આગામી પ્લાન્સ વિશે જણાવ્યા. તેણે કહ્યું હું પોતાની ટોપ-2માં જોવા માંગતી હતી. હું એલિટ ક્લબનો મેમ્બર બનવા માંગતી હતી. બિગ બોસના ઘરમાં જર્ની સરળ નહોતી કારણ કે નોર્મલ લાઈફ અને બિગ બોસના ઘરમાં જે લાઈફ હોય છે જે સાવ અલગ હોય છે.
રશ્મિએ કહ્યું બિગ બોસના ઘરમાં તમારે ક્લિયર રહેવું પડે છે, કારણ કે અહીં સમય બહુ ઓછો હોય છે. આ સમયમાં તમે ભાંગી પડો છો. દરેક વીકેન્ડમાં એક નવું વિઝન જોવા મળે છે. બિગ બોસના ઘરમાં મારો અનુભવ નવો અને બહુ સારો રહ્યો હતો.
આગળના પ્લાન્સ વિશે જણાવતા રશ્મિએ કહ્યું, હાલ આગામી પ્લાન્સ વિશે કંઈ કહી ન શકું કારણ કે મેં ઘરની અંદર બહુ બધાં પ્લાન્સ બનાવ્યા હતા. તેણે કહ્યું, મેં સાંભળ્યું છે કે, તમે મને જમ્મુ લઈને જવાના છો. હવે રશ્મિનો આ મજાક એક મજાક જ હતો કે નવી ટ્રિપનું હિંટ. હાલ તો તે ઘરે પાછી આવીને નોર્મલ લાઈફ એન્જોય કરી રહી છે. તેણે સવારનો નાસ્તો કરતા વીડિયો શેર કર્યો છે. વીડિયોમાં તે પાસ્તા ખાતી જોવા મળી રહી છે.
આસિમ વિશે શું વિચારે છે રશ્મિ?
રશ્મિએ તેના ફેવરિટ કન્ટેસ્ટંટ વિશે વાત કરતા જણાવ્યું, મને લાગે છે કે, દેવોલિના ભટ્ટાચાર્જી સ્ટ્રોન્ગ કન્ટેસ્ટંટ હતી, પરંતુ તેને મેડિકલ પ્રોબ્લેમ હોવાથી બિગ બોસનું ઘર છોડવું પડ્યું. શેફાલી જરીવાલા પણ મને પસંદ હતી. વિશાલ પણ ઘણો જ સ્ટ્રોન્ગ હતો. આસિમ સૌથી વધુ સ્ટ્રોન્ગ, માઈન્ડેડ, સારી પર્સનાલિટી, ફોકસ, સમજદાર, સંયમ રાખનાર અને વસ્તુઓને સમજનાર શખ્સ છે. તેના અંદર મેં ઘણાં જ બદલાવ જોયા. આસિમ મને સૌથી વધુ સ્ટ્રોન્ગ લાગતો હતો.
ઉલ્લેખનીય છે કે, બિગ બોસ 13નું ફિનાલે 15 ફેબ્રુઆરીએ થયું હતું અને સિદ્ધાર્થ શુક્લા શોનો વિનર બન્યો હતો અને આસિમ રિયાઝ ફર્સ્ટ રનર અપ, જ્યારે શેહનાઝ ગિલ સેકન્ડ રનર અપ બની હતી.