બિગ બોસ 13ની કંટેસ્ટન્ટ રહેલ રશ્મિ દેસાઈનું ટીવી ઇન્ડસ્ટ્રીમાં મોટું નામ છે. તેણે એકથી મોટા એક શોઝ કર્યા છે. તેમની એક્ટિંગને પસંદ કરવામાં આવે છે. પરંતુ આ લક્ષ્યને મેળવવા માટે તેને ઘણી મુશ્કેલીઓ સહન કરવી પડી હતી. રશ્મિએ એક ઇન્ટરવ્યુમાં તેની સાથે થયેલા કાસ્ટિંગ કાઉચના અનુભવને શેર કર્યો છે.
રશ્મિ દેસાઈએ કાસ્ટિંગ કાઉચનો એક્સપિરિયન્સ શેર કર્યો
તે પેહલો પુરુષ હતો જેને મારો ફાયદો ઉઠાવવાનો પ્રયત્ન કર્યો હતો: રશ્મિ
જો તું કાસ્ટિંગ કાઉચનો શિકાર નહી બને તો તને કામ નહી મળે: સૂરજ
એક ન્યુઝ એજન્સીના અહેવાલ મુજબ રશ્મિ દેસાઈએ કાસ્ટિંગ કાઉચના ભયાનક એક્સપિરિયન્સ વિશે શેર કરતા કહ્યું કે, '13 વર્ષ પેહલા મેં મારા કરિયરની શરૂઆત કરી હતી ત્યારે હું ઘણી યંગ હતી અને સંપૂર્ણ પણે નોન ફિલ્મી બેકગ્રાઉન્ડથી હતી'.
'આ ઇન્ડસ્ટ્રીમાં કોઈને પણ ઓળખતી ન હતી. મને આજે પણ યાદ છે કે જયારે મને કહેવાયું હતું કે, જો તું કાસ્ટિંગ કાઉચનો શિકાર નહી બને તો તને કામ નહી મળે'.
રશ્મિએ કહ્યું કે, 'તેનું નામ સૂરજ હતું હું નથી જાણતી કે તે અત્યારે ક્યાં છે પેહલી વાર જયારે અમે માંડ્યા હતા તો તેને મને સ્ટેસ્ટિકસ વિશે પૂછ્યું હતું. તે દરમિયાન મને તે દરમિયાન મને તેનો અર્થ સમજાયો નહી અને તે જાણતો હતો કે હું આ ફિલ્ડમાં તદ્દન નવી છું.'
'તે પેહલો પુરુષ હતો જેણે મારો ફાયદો ઉઠાવવાનો પ્રયત્ન કર્યો હતો. તેણે મારી સાથે છેડછાડ કરવાના પ્રયત્ન કર્યા હતા. એક દિવસ સૂરજે મને ઓડિશન માટે બોલાવી હતી અને હું ખુબજ એક્સાઈટેડ હતી.'
આગળ વધતા રશ્મિએ કહ્યુ કે,' હું ત્યાં પહોંચી ગઈ હતી અને સૂરજ સિવાય ત્યાં કોઈ હતું નહી. કોઈ કેમેરો પણ ન હતો. તેને મારી ડ્રિન્કમાં કંઈક ભેળવીને અને મને બેભાન કરવાની પુરી તૈયારી કરી હતી. હું બોલતી રહી મારે ડ્રિન્ક નથી જોઈતું.'
કંઈ પણ રીતે હું ત્યાંથી અઢી કલાકમાં નીકળી જવામાં સફળ રહી અને મેં મારી માં ને આખી ઘટના કહી. બીજા દિવસે અમે સૂરજને મળવા ગયા અને ત્યારે મારી માંએ તેને લાફો માર્યો.