તમે ભૂરા રંગના જિરાફ કદાચ જોયા હશે પરંતુ સફેદ જિરાફ ભાગ્યે જ જોયા હશે. આવા દુર્લભ સફેદ જિરાફમાંથી બે જિરાફ શિકારીઓ દ્વારા માર્યા ગયા છે. આ ઘટના પછી હવે આખી પૃથ્વી ઉપર એક જ સફેદ જિરાફ બાકી છે.
નોંધનીય છે કે સફેદ જિરાફ એક દુર્લભ પ્રાણી છે જે ફક્ત કેન્યામાં જ બચેલા રહી ગયા હતા. પરંતુ લોકોએ તેનો શિકાર પણ કરીને હવે તેમને ખતમ કરી દીધા.
નિષ્ણાતો કહે છે કે, 2017 માં કેન્યાના ઇશાકાબીની અભ્યારણ્યમાં સફેદ રંગનો જિરાફ જોવા મળ્યો હતો. તે સમયે સફેદ સ્ત્રી જિરાફ તેના બાળકો સાથે જંગલમાં ફરતી જોવા મળી હતી. સફેદ જિરાફની તસવીર ઇન્ટરનેટ પર વાયરલ થઈ હતી. આ તસવીરથી સફેદ જિરાફના અસ્તિત્વ વિશે લોકોમાં આશાઓ બંધાઈ હતી.
In October 2017 something rare was spotted in Giraffe County, Kenya. One white giraffe & a kid, due to genetic leucism. As rare they were, everybody was in awe.
Yesterday both of the extremely rare creatures were killed by poachers. Short story of wildlife crimes. C- Telegraph. pic.twitter.com/TNvIRARDVv
પરંતુ શિકારીઓએ સફેદ માદા જિરાફ અને તેના 7 મહિનાના બચ્ચાની ગળું દબાવીને હત્યા કરી દીધી હતી. આ બંનેની લાશ પૂર્વોત્તર કેન્યાના ગારિસા કાઉન્ટી ગામમાંથી મળી આવી છે તેવું ફોરેસ્ટ રેન્જર્સ જણાવ્યું છે.
ઇશાકાબીની અભ્યારણ્યના મેનેજર મોહમ્મદ અહેમદ નૂર કહે છે કે સફેદ માદા જિરાફ અને બચ્ચાના મોતથી ગામના લોકો જ નહીં પર્યટકો પણ દુ:ખી છે. ઘણા લોકો તેમને જોવા માટે જ અહીં આવતા હતા. તેમણે જણાવ્યું હતું કે શિકારીઓએ બંને પ્રાણીઓને કયા હેતુથી માર્યા હતા તે સ્પષ્ટ થઈ શક્યું નથી. હાલ આ કેસની તપાસ ચાલી રહી છે. પોલીસ આ આરોપી શિકારીઓની શોધ કરી રહી છે.