ઉત્તરાખંડના નેલાંગ ઘાટીમાં એક દુર્લભ દીપડો નજરે પડતા લોકોમાં કૂતુહલ ફેલાયું છે. 12 હજાર ફૂટની ઉંચાઈ પર આ દુર્લભ હિમ દીપડો નજરે પડ્યો છે. રસ્તો ક્રોસ કરતા હિમ દીપડો નજરે પડતા લોકો આશ્ચર્યમાં મુકાયા છે.
ઉલ્લેખનીય છે કે, ગંગોત્રી નેશનલ પાર્કમાં આ દીપડો નજરે પડતા ભારત અને તિબેટ પોલીસ સીમાના જવાનોએ હિમ દીપડાને પોતાના મોબાઈલમાં કેદ કર્યો અને આ વીડિયો શેર કર્યો છે. નેલાંગ ઘાટીમાં જોવા મળેલો આ દીપડો ભાગ્યેજ જોવા મળે છે.
ત્યારે પાર્કમાં હિમ દીપડાની હાજરીથી વન્યજીવ પ્રેમીઓમાં પણ ખુશી છે તો બીજી તરફ સ્થાનિકોની સુરક્ષાને લઈને ચિંતા વધી છે. વીડિયોમાં નજરે પડે છે તેમ આ દીપડો બિન્દાસ્ત રસ્તો ક્રોસ કરી રહ્યો છે અને બાદમાં એક પહાડ પર ચઢી જાય છે. આ દ્રશ્ય કેમેરામાં કેદ થયું છે અને ભાગ્યેજ જોવા મળે છે.