ભાવનગરઃ બોટાદમાં 6 વર્ષની બાળકી પર દુષ્કર્મ મામલે પોલીસ તંત્ર દોડતું થયું છે. પોલીસ આરોપીને પકડવા માટે એડીચોટીનું જોર લગાવી રહી છે. એટલું જ નહીં પરંતુ અલગ-અલગ ટીમો બનાવી આરોપીની શોધખોળ હાથ ધરી છે. સાથે જ આરોપીનો વધુ એક સ્કેચ પણ જાહેર કર્યો છે. જેથી કરીને લોકોને ક્યાંક પણ આરોપી દેખાઈ તો પોલીસને જાણ કરી શકે.
ફરાર આરોપીની શોધખોળ તેજ
બોટાદમાં 6 વર્ષની બાળકી સાથે દુષ્કર્મના મામલે ફરાર આરોપીની શોધખોળ તેજ કરવામાં આવી છે. પોલીસે દુષ્કર્મના આરોપીના સ્કેચ જાહેર કર્યા છે. પોલીસની અલગ-અલગ ટીમોએ શોધખોળ હાથ ધરી છે.
બાળકીને પતંગની લાલચ આપી આચર્યુ દુષ્કર્મ
બોટાદના ભાંભણ રોડ પર 6 વર્ષની બાળકી સાથે દુષ્કર્મ આચર્યું હતું. અજાણ્યા શખ્સે અજ્ઞાત સ્થળે લઈ જઈને 6 વર્ષની બાળકી પર દુષ્કર્મ આચર્યુ હતુ. બાળકીને પતંગની લાલચ આપીને શખ્સે દુષ્કર્મ આચર્યુ હતું. બાળકીની હાલત ગંભીર હોવાથી ભાવનગરની હોસ્પિટલમાં ખસેડાઈ હતી. આ મામલે બોટાદની પોલીસ સ્ટેશનમાં ગુનો નોંધાયો હતો. પોલીસે ગુનો નોંધીને આગળની કાર્યવાહી હાથધરી હતી.