હાલ દેશમાં કોરાના વાયરસના સંક્રમણના કેસો વધી રહ્યા છે છતાં સંખ્યાબંધ કોરોના ટેસ્ટ એજ આ જંગમાં આપણને વિજય આપવી શકે તેમ છે. ત્યારે ભારતે ચીનથી મંગાવેલ રેપિડ ટેસ્ટ કીટની ગુણવત્તા પર પણ અનેક સવાલ ઉભા થયા છે, ભારતે ચીનની રેપિડ ટેસ્ટ કીટ પરત મોકલવાની તૈયારી કરી છે, ત્યારે રાજ્યના છેવાડે આવેલ વલસાડ જિલ્લામાંથી એક સારા સમાચાર મળી રહ્યા છે. ગુજરાતના ઉમરગામ તાલુકાની લેબકેર ડાયોગનોસ્ટિક પ્રાઇવેટ લિમિટેડને રેપિડ ટેસ્ટની કીટ બનાવવની લીલી ઝંડી મળી ચુકી છે. સરીગામ GIDCની આ કંપનીએ રેપિડ ટેસ્ટ કીટ બનાવી છે.
વલસાડ જિલ્લાની એક કંપનીએ બનાવી રેપિડ ટેસ્ટ કીટ
FDA અને ICMR એ કંપનીને ઉત્પાદન માટે આપી લીલીઝંડી
ચીની તકલાદી અને શંકાસ્પદ ટેસ્ટ કીટને આપશે ટક્કર
રોજ રોજ કોરોના સંક્રમણના કેસો વધી રહ્યા છે છતાં પણ તેના માટેના ટેસ્ટ વધતા નથી. હાલ દેશમાં માસ ટેસ્ટિંગ થાય એ ખૂબ જરૂરી છે અને એ પણ વિશ્વસનીયતા જળવાઈ રહે એ પણ જરૂરી છે. ટેસ્ટિંગ કીટના સાધનો અને ક્ષમતા ઓછી હોવાથી માસ ટેસ્ટિંગ નથી થઈ રહ્યા. તેમાં પાછું ચીનની રેપિડ ટેસ્ટિંગ કીટને લઈને પણ પ્રશ્નો ઉભા થતા કોરોનાના માસ ટેસ્ટ અટકી ગયા હતા. પણ હવે દેશ માટે સારા સમાચાર એ છે કે ગુજરાતની ઉમરગામની લેબકેર ડાયોગનોસ્ટિકસ દ્વારા ઇન્ટેન્સ રિસર્ચ બાદ જે કોરોના માટેની રેપિડ ટેસ્ટની કીટને મંજૂરી મળી ગઈ છે. એકજ અઠવાડિયામાં માર્કેટમાં આ કીટ મળતી થઈ જશે.
FDA અને ICMRએ આપી લીલી ઝંડી
ગુજરાત માટે ગર્વ ની વાત એ છે કે જે કીટ માટે આપણે ચીન પર નિર્ભર હતા અને એને લઈને જ્યારે ઘણા પ્રશ્નો ઉભા થઇ રહ્યા છે ત્યારે દેશની FDA અને ICMR જેવી સંસ્થાઓએ ઘણા પરીક્ષણમાંથી પસાર કરી જેને લીલી ઝંડી આપી છે અને હવે ગુજરાતના સરીગામ GIDCમાં બનાવાઈ રહી છે. આ કીટ માટેનું અહીંના વૈજ્ઞાનિકોએ જાન્યુઆરીથી જ પરીક્ષણ ચાલુ કરી દીધુ હતું. આ કીટમાં અમુક વસ્તુ વિદેશથી મંગાવી છે તો અમુક લોકલ માર્કેટથી લેવામાં આવી છે. હાલ આ કીટ તમામ પરીક્ષા પાસ કરી ચૂક્યું છે.
15 મિનિટમાં આવી જાય છે રિઝલ્ટ
રેપિડ ટેસ્ટ ખુબજ સેહલી પદ્ધતિ છે કોઈ પણ રેગ્યુલર ટેક્નિશિયન આ ટેસ્ટ કરી શકે છે. રિઝલ્ટ મેળવતા માત્ર 15 મિનિટનો સમય લાગે છે. આના માટે કોઈ પણ પ્રકારની અદ્યતન લેબની જરૂર નથી કે કોઈ પણ પ્રકારના મોંઘા મશીનની પણ જરૂર નથી. બસ એક નાની કીટ જેમાં લોહીનું સેમ્પલ અને એક ટીપું લોહી મુકવામાં આવે છે અને બે ટીપા બફર. 15 મિનિટ રાહ જુવો અને રીઝલ્ટ આવી જાય છે. માત્ર પંદર મિનિટમાં આ ટેસ્ટનું રિઝલ્ટ આવે છે અને જો આ રીતે માસ ટેસ્ટિંગ કરવામાં આવે તો પોઝિટિવ આવનારા કેસ જલ્દી છુટા પાડી શકાય અને તુરંત એમને કવારેન્ટાઇન કરી શકાય. આ સાથે જે નેગેટિવ ટેસ્ટ આવે એવા લોકોને જુદા કરી 7 દિવસ બાદ ફરી એમનું રેપિડ ટેસ્ટિંગ કરી શકાય. આમ આ પ્રક્રિયા ખુબજ સેહલી છે અને એનું રીઝલ્ટ જોવું પણ ખુબજ સહેલું છે. દેશ જે રીતે કોરોના સામે લડી રહ્યો છે અને ઝઝૂમી રહ્યો છે ત્યારે ગુજરાત સરકાર દ્વારા અને કેન્દ્ર સરકાર દ્વારા તમામ એજન્સીઓએ આ કંપનીને ખુબજ સહકાર આપ્યો છે.
પ્રધાનમંત્રીએ મેક ઇન ઇન્ડિયાને આપ્યું પ્રોત્સાહન
મહત્વની વાત એ છે કે ગુજરાત સરકારના FDA ડિપાર્ટમેન્ટ દ્વારા એમને ખુબજ પ્રોત્સાહિત કરાયા હતા અને ત્યાર બાદ ICMRના અધિકારીઓએ તમામ સુવિધા તેમને પુરી પાડી હતી. આમ દેશના પ્રધાનમંત્રી નરેન્દ્ર મોદી મેક ઈન ઇન્ડિયાને વધારે પ્રોત્સાહન આપી રહ્યા છે, ત્યારે ચીનથી આવેલ ટેસ્ટ કીટની હલકી ગુણવતાને કારણે દેશમાં કોરોનો કીટની માંગ વધી છે. તેવામાં વલસાડની આ કંપની આગામી દિવસોમાં ભારત સહીત વિદેશમાં પણ એક્સપોર્ટ કરી કોરોનો સામે જંગમાં ગુજરાતના વધુ એક પ્રયાસને આગળ ધપાવશે.