રાજ્યમાં દુષ્કર્મની ઘટનાઓ દિવસેને દિવસે વધી રહી છે. જેમાં નરાધમો નાની બાળાઓને પણ પીંખી નાખે છે. આવી દુષ્કર્મની બે ઘટના સામે આવી છે. જેમાં રાજકોટના લોધીકા ગામની 4 વર્ષની બાળકી અને સુરતમાં 3 વર્ષની બાળકી સાથે દુષ્કર્મ આચરવામાં આવ્યું છે. મહત્વનું છે કે, દુષ્કર્મની ઘટનાઓમાં વધુ કેસોમાં પાડોશી જ આરોપી નીકળે છે ત્યારે આ બન્ને કેસમાં પણ પાડોશીએ જ દુષ્કર્મ આચર્યું છે.
રાજકોટમાં લોધીકા ગામે 4 વર્ષની બાળકી સાથે દુષ્કર્મ કરવામાં આવ્યુ હોવાનું સામે આવ્યુ છે. પાડોશી શખ્સે બાળકી સાથે કૃત્યુ આચર્યુ હતું. બાળકી લોહીલુહાણ હાલતમાં મળી આવતા મામલો સામે આવ્યો હતો.
દુષ્કર્મ આચરનાર આરોપી શખ્સ ફરાર છે. જો કે, પોલીસે ઘટનાસ્થળે પહોંચીને કાર્યવાહી હાથ ધરી છે. ફરાર આરોપી શખ્સને શોધવા પોલીસે ચક્રો ગતિમાન કરવામાં આવ્યા છે. હાલ બાળકી રાજકોટ હોસ્પિટલમાં સારવાર હેઠળ છે.
ઉલ્લેખનીય છે કે, બીજી પણ દુષ્કર્મની ઘટના સામે આવી હતી. સુરતમાં 3 વર્ષની બાળકી સાથે પાડોશમાં રહેતા નરાધમ અજીત રાજેન્દ્રપ્રસાદે દુષ્કર્મ આચર્યું હતું. આરોપીએ ચોકલેટ આપવાના બહાને રૂમમાં બોલાવી દુષ્કર્મ આચર્યું હતું. આ મામલે બાળકીને દુખાવો થતા પરિવારને જાણ થઇ હતી. બાળકીને સારવાર અર્થે સ્મીમેર હોસ્પિટલ લઇ જવાઇ હતી. જ્યાં દુષ્કર્મની ફરિયાદ નોંધાઇ હતી. મોડી રાત્રે આરોપી અજીત દુષ્કર્મ આજરીને નાસી છૂટ્યો હતો. જોકે પોલીસે તેને ગણતરીની કલાકોમાં ઝડપી પાડ્યો હતો. આરોપી વિરૂદ્ધ પોસ્કો અને દુષ્કર્મ સહિના ગુના નોંધવામાં આવ્યા હતા.
જોકે બાળકીને સારવાર માટે સ્મીમેર હોસ્પિટલ ખાતે લઇ આવી હતી, ત્યાં બાળકી સાથે દુષ્કર્મ થયાની જાણ થતા પરિવાર આ મામલે કાપોદ્રા પોલીસ મથક ખાતે દોડી જઈને ફરિયાદ કરી હતી. જેને પગલે પોલીસે ફરિયાદ ના આધારે આરોપી પકડવાની તજવીજ હાથ ધરી હતી અને મોડી રાત્રે આરોપી અજીત દુષ્કર્મ ગુજારી નાસી ગયો હતો.