ચકચાર / હાથરસ જેવી ઘટના ગુજરાતમાં ઘટતા ખળભળાટ, 12 વર્ષીય કિશોરી પર દુષ્કર્મ બાદ માથું વાઢી દેવાયું

• હાથરસ જેવી કંપાવનારી ઘટના બનાસકાંઠામાં
• 12 વર્ષીય મુકબધીર સગીરાની દુષ્કર્મ બાદ હત્યા
• શખ્સે સગીરાનું ગળુ કાપીને 10 ફૂટ દૂર ફેંક્યુ

ઉલ્બલેખનીય છે બળાત્કાર અને હત્યાના ગુનાઓમાં નોંધપાત્ર વધારો થયો છે. દાંતીવાડા તાલુકાના મોટી ભાખર ગામે સગા ફોઈના દીકરાએ પોતાની મામાની દીકરી સાથે બળાત્કાર કરી ગળુ કાપીને મોતને ઘાટ ઉતારી. સમગ્ર ઘટનાની જાણ થતાં દાંતીવાડા પોલીસે આરોપીની ધરપકડ કરી બળાત્કાર તેમજ પોક્સો એક્ટ મુજબ કાયદેસરની કાર્યવાહી હાથધરી છે.

ફોઈના દીકરાએ મામાની દીકરી ને પીંખી નાખી

પોતાની શારીરિક હવસ સંતોષવા માટે ફોઈના દીકરાએ મામા ની દીકરી ને પીંખી નાખી. વાત છે દાંતીવાડા તાલુકાના મોટી ભાખર ગામ ની કે જ્યાં એક બાર વર્ષની સગીરા સાથે દુષ્કર્મ બાદ હત્યા કરી દેવામાં આવી. એક દિવસ અગાઉ ગુમ થયેલી બહેરી મૂંગી હની માળી ને ગુમ થયા મામલે દાંતીવાડા પોલીસને જાણ કરવામાં આવી હતી. જે બાદ વહેલી સવારે મોટી ભાખર ગામની સીમમાંથી એક સગીરાનું ગળું કાપી હત્યા કરેલી લાશ મળી આવી હતી. જે મામલે પોલીસે તપાસ કરતા પોલીસને હની માળી ની લાશ હોવાનું સામે આવ્યું. સગીરાની પ્રથમ દ્રષ્ટિએ જ હત્યા કરી હોવાનું સામે આવતા જિલ્લાની એલસીબી, દાંતીવાડા પોલીસ, ડીસા ઉત્તર તેમજ રૂરલ પોલીસ સહિત ડીસા ડિવિઝનના મોટાભાગના અધિકારીઓ ગુના ના આરોપીને શોધવા માટે કામે લાગ્યા હતા. જે મામલે સીસીટીવી ફૂટેજના આધારે પોલીસે આરોપીને સત્વરે ઝડપી પાડયો હતો. પોતાની બાઈક પાછળ બેસાડી આરોપી બહેરી મૂંગી અને લઈ જતો માલુમ પડતાં જ પોલીસે આરોપી નિતીન માળીની ધરપકડ કરી કાયદેસરની કાર્યવાહી હાથધરી છે.

સમગ્ર ઘટનાની વાત કરવામાં આવે તો હની અને નીતિન મામા ફોઈના દીકરા છે. હની બાળપણથી જ બેહરી અને મૂંગી હતી. જ્યારે નિતીન ની ઉંમર 25 વર્ષ જેટલી થઇ ગઇ હોવા છતાં હજુ સુધી લગ્ન થયા ન હતાં. પોતાની શારીરિક સુખ સંતોષ માટે તેણે પોતાની મામાની દીકરી ને જ પોતાના હવસનો શિકાર બનાવી. હની સાથે બળાત્કાર ગુજાર્યા બાદ નિતીન ને ડર હતો કે તેના ગુનો બહાર આવશે તો મોટી મુશ્કેલી સર્જાશે. જે ડર ના કારણે છરી વડે નીતિને હની નું ગળું કાપી હત્યા કરી હોવાનું પ્રાથમિક તપાસમાં બહાર આવ્યું છે.

પરિવારના લોકો આરોપીઓને કડક સજા મળે તેવી અપીલ કરી રહ્યા 

નોંધનીય છે કે, કિશોરીની કોઇ જ ભાળ ન મળતાં તેના પરિવારજનોએ ડીસા ઉત્તર પોલીસ મથકે ગુમ થયાની ફરિયાદ કરી હતી અને બાદમાં હત્યા કરાયેલી લાશ મળી આવી હતી. હાલ પીડિતના પરિવારના લોકો આરોપીઓને કડક સજા મળે તેવી અપીલ કરી રહ્યા છે.

બારડોલીમાં માનવતાને શર્મસાર કરતી ઘટના સામે આવી છે. ઉલ્લેખનીય છે કે, અહીં મોડી રાતે ગંગાધરા રેલવે ફાટક નજીક 30 વર્ષની  યુવતી ઇજાગ્રસ્ત હાલતમાં મળી આવી છે. યુવતીના પ્રાઈવેટ પાર્ટસમાં ગંભીર ઇજા પહોંચી હોવાથી તબીબો દુષ્કર્મની આશંકા સેવી રહ્યાં છે. હાલ યુવતી સુરત સિવિલ હોસ્પિટલમાં સારવાર હેઠળ છે.

સુરતની યુવતી સાથે દુષ્કર્મ આચરવામાં આવ્યું 

નોંધનીય છે કે,  યુવતી સાથે દુષ્કર્મ આચરવામાં આવ્યું હતું અને તે હાથ અને પગમાં ફ્રેક્ચર થયેલી હાલતમાં મળી આવી હતી. તેના હોઠ ઉપર ઘાવ હતા તો પ્રાઇવેટ પાર્ટમાંથી લોહી વહી રહ્યું હતું. ગંભીર હાલતમાં દવાખાને લવાયેલ યુવતીનો ઉપચાર કરનારા હોસ્પિટલના ચીફ મેડિકલ ઓફિસર ડોક્ટર ઓમકાર ચૌધરીએ જણાવ્યું કે, છોકરીના શરીર પણ ઘણા ઘાવ મળી આવ્યા છે. 

શરીરમાં 3 ફ્રેક્ચર મળી આવ્યા

તેમણે વધુમાં જણાવ્યું કે, તેના શરીરમાં 3 ફ્રેક્ચર મળી આવ્યા છે. તેના ગુપ્તાંગમાં પણ મેજર ઇન્જરી જોવા મળી છે. માટે આ કોઇ એક્સિડન્ટની ઘટના નથી. યુવતી સાથે કાંઇક ખોટું થયાની આશંકા છે. 

અમદાવાદમાં પણ બની બળાત્કારની ઘટના 

સમગ્ર દેશમાં દીકરીઓ સુરક્ષિત નથી તેમ કહીએ તો ખોટું નથી. કારણ કે હાથરસની ઘટનાએ ફરી એકવાર સમગ્ર દેશને એક કરી દીધો છે. 2012નો નિર્ભયા કાંડ જેને આ દેશ ક્યારેય ભૂલી શકે તેમ નથી. તો આ દેશમાં રોજે રોજ અનેક દીકરીઓ બળત્કારનો ભોગ બને છે. આપણું ગુજરાત આમ તો સુરક્ષિત કહેવાય છે. પરંતુ હવે સુરક્ષિત રહ્યું નથી તેમ કહેવામાં જરા પણ અતિશ્યોક્તિ નથી. રોજબરોજની ઘટનાઓમાં દુષ્કર્મની ઘટનાઓ પણ સામે આવતી રહે છે. ત્યારે અમદાવાદના આનંદનગરમાં 14 વર્ષની સગીરા સાથે દુષ્કર્મની ઘટના સામે આવી છે.  આનંદનગરમાં 14 વર્ષની સગીરાને ફોસલાવીને શખ્સે દુષ્કર્મ આચર્યુ હતું. અમદાવાદ પોલીસે આરોપીને ઝડપી પાડ્યો હતો. પોલીસ દ્વારા વધુ કાર્યવાહી હાથ ધરવામાં આવી છે.