સુરતમાં બે વર્ષની માસૂમ બાળકી પર દુષ્કર્મ આચરનાર આરોપી ટ્રક ડ્રાઈવરને કોર્ટે ફટકારી આજીવન કેદની સજા, પરિવારને 9 લાખનું વળતર આપવાનો પણ કોર્ટે આદેશ કર્યો છે
સુરતમાં બાળકી સાથે હેવાનિયત આચરનારને આજીવન કેદની સજા
પરિવારને 9 લાખનું વળતર આપવાનો પણ કોર્ટે આદેશ કર્યો
આરોપીને 100 દિવસમાં દાખલારૂપ કોર્ટે સજા ફટકારી છે
સુરતમાં બે વર્ષની બાળકી પર દુષ્કર્મ આચરનાર આરોપીને કોર્ટે આજીવન કેદની સજા ફટકારી છે. સુરતમાં દુષ્કર્મ આચરનાર આરોપીઓ વિરૂદ્ધ કોર્ટ આકરા પાણીએ છે. વધુ એકવાર દુષ્કર્મના આરોપીને આજીવન કેદની સજા ફટકારી છે.
આરોપીને ગણતરીના કલાકોમાં પોલીસે ધરપકડ કરી હતી
ગત નવેમ્બર માસમાં વેસુ વિસ્તારમાં રોડ પર ઉઘેલા શ્રમિક પરિવારની બે વર્ષની દીકરીનું અપહરણ કરીને આરોપીએ દુષ્કર્મ આચર્યું હતું. આરોપી ટ્રક ચાલક હતો. બાળકીને ગંભીર હાલતમાં સારવાર માટે હોસ્પિટલ ખસેડવામાં આવી હતી. બાળકીને ઈમરજન્સી ડોક્ટરે ઓપરેશન કરવાની સલાહ આપી હતી અને બાળકીના ગુપ્તભાગમાં ગંભીર ઈજા પહોંચી હતી. આરોપીને ગણતરીના કલાકોમાં પોલીસે ધરપકડ કરીને એક અઠવાડિયાની અંદર ચાર્જશીટ કોર્ટમાં રજૂ કરી હતી. જે આરોપીને 100 દિવસમાં દાખલારૂપ કોર્ટે સજા ફટકારી છે. આજીવન કેદની સાથો સાથે પીડિતાના પરિવારને 9 લાખનું વળતર આપવાનો પણ કોર્ટે આદેશ કર્યો છે.
DCP બાગમોરેનું નિવેદન
સુરત સેસન્શ કોર્ટે આરોપી સુરદીપ બાલકિશનને અંતિમ શ્વાસ સુધી આજીવન કેદની સજા ફટકારી છે. જે સમગ્ર બાબતે DCP બાગમોરેએ કહ્યું હતું કે, કોર્ટે આજે એક મહત્વનો ચુકાદો આપ્યો છે, વેસુ વિસ્તારમાં ઉંઘેલી બાળકીનું મધરાત્રે ટ્રક ચાલકે અપહરણ કરીને અવાવરૂ જગ્યાએ લઈ ગયો હતો. અન્ જ્યાં તેણે દુષ્કર્મ આચર્યું હતું. જે આરોપીને પોલીસે તાત્કાલિક ધરપકડ કરી હતી. આરોપી મૂળ દેવરીયા પુપીનો રહેવાસી છે અને તે ડ્રાઈવિંગનું કામ કરી રહ્યો છે. આરોપી સામે પોલીસે આઈપીસીની કલમ 363,365,376 અને પોક્સો હેઠળ ગુનોં નોધ્યો હતો.
કોર્ટે અગાઉ એક કેસમાં ફટકારી હતી ફાંસીની સજા
અત્રે ઉલ્લેખનીય છે કે, સુરતમાં દુષ્કર્મ અને હત્યા કેસમાં આરોપી મુકેશ પંચાલને કોર્ટે થોડા દિવસ અગાઉ ફાંસીની સજા ફટકારી છે, નરાધમે ચોકબજાર વિસ્તારમાં 7 વર્ષની બાળકી સાથે આચર્યું દુષ્કર્મ હતું. સુરત કોર્ટે મુકેશ પંચાલ નામના આરોપીને ફાંસી સજા આપી હતી. આરોપી પર 302, 376 સહિતની કલમો હેઠળ કાર્યવાહી કરાઈ છે. નરાધમે ચોકબજાર વિસ્તારમાં 7 વર્ષની બાળકી સાથે દુષ્કર્મ આચર્યું હતું. આરોપીએ દુષ્કર્મ બાદ બાળકીની હત્યા પણ કરી નાંખી હતી. આરોપી મુકેશ પંચાલને કોર્ટે દોષી જાહેર કર્યો હતો જે બાદ તેને ફાંસી સજા આપી છે તેમજ ભોગ બનનાર પરિવારને 23.50 લાખનું વળતર ચૂકવવા પણ આદેશ આપ્યો છે.