સુરત / લગ્નની લાલચ આપી યુવતી સાથે ખેલ્યો હવસનો ખેલ, નરાધમે અંગત પળોનો વીડિયો ઉતારી તેને કરી બ્લેકમેલ

• સુરતમાં એનજીઓમાં કામ કરતી યુવતી સાથે દુષ્કર્મ 
• લગ્નનો વાયદો આપી યુવકે યુવતીને બનાવી હવસનો શિકાર 
• પોલીસે ગણતરીના સમયમાં કરી આરોપીની ધરપકડ 

રાજ્યમાં વધતી દુષ્કર્મની ઘટનાઓ હવે એક ચિંતાનો વિષય બન્યો છે. વધતા જતા દુષ્કર્મના બનાવોને લઈને મહિલાઓની સુરક્ષાને લઈને સવાલો ઉઠી રહ્યા છે. ત્યારે વધુમાં સુરત શહેરમાં ફરી એક દુષ્કર્મની ધટના સામે આવી છે. જેમા એનજીઓમાં કામ કરતી યુવતી સાથે દુષ્કર્મનો બનાવ બન્યો છે. 

યુવતી સાથે ખેલ્યો બ્લેકમેલિંગનો ખેલ 

દુષ્કર્મ આચરનાર યુવકનું નામ સમીર શેખ હોવાનું સામે આવ્યું છે. જેમા તેણે યુવતીને લલચાવી ફોસલાવીને તેની તરફ આકર્ષીત કરી હતી. સાથેજ તેને લગ્નના વાયદો આપ્યો હતો. જોકે બાદમાં યુવકે તેનો બ્લેકમેલીંગનો ખેલ શરૂ કર્યો જેમા યુવતી ન તો કોઈને કહી શકે ન તો સહી શકે તેવી તેની સ્થિતી થઈ ગઈ હતી. 

લગ્નની લાલચ આપી પ્રેમ સંબંઘો બાંધ્યા 

યુવકે યુવતીને લગ્નની લાલચ આપી અને બાદમાં તેની સાથે પ્રેમ સંબંધો બાધ્યા હતા. જે વખતે તેણે અંગત પળોનો વીડિયો બનાવી લીધો હતો. તે વીડિયોને લઈ પછી યુવક તેને બ્લેકમેલ કરવા લાગ્યો હતો. બાદમાં જ્યારે યુવતીએ લગ્ન માટે પુછ્યું ત્યારે યુવકે ના પાડી દીધી. જેથી લાચાર યુવતીએ કંટાળીને પોલીસની મદદ લીધી અને આરોપી સામે ફરિયાદ નોંધાવી. 

ગણતરીના સમયમાં યુવક પોલીસ જાપ્તામાં 

ઉલ્લેખનીય છે કે પોલીસને ફરિયાદ મળ્યા બાદ પોલીસે પણ ઘટનાની ગંભીરતાને ધ્યાનમાં રાખીને આરોપીને ગણતરીના સમયમાં ઝડપી પાડ્યો છે. જેને હાલ જેલના સળીયા ગણવાનો વારો આવ્યો છે. જોકે રાજ્યમાં વદી રહેલા દુષ્કર્મના બનાવો હવે એક ચિંતાનો વિષય બન્યો છે અને વધતા જતા દુષ્કર્મના બનાવને કારણે મહિલાઓની સુરક્ષાને લઈને પણ સવાલો ઉઠી રહ્યા છે.