ચેતવણીરૂપ કિસ્સો / ગોંડલ: મા-બાપ વિહોણી 12 વર્ષની દીકરી સાથે લબરમૂછિયા નરાધમોએ કર્યુ એવું કે મિત્રતા પરથી વિશ્વાસ ઉઠી જશે

• ઇન્સ્ટાગ્રામથી સગીરા યુવક સાથે સંપર્કમાં આવી હતી
• 3 શખ્સોએ સગીરાનું અપહરણ કરી દુષ્કર્મ આચર્યું
• સગીરાના પરિવારજનોએ પોલીસ ફરિયાદ નોંધાવી 

ગોંડલ તાલુકા પોલીસ સ્ટેશનમાં એક સગીરા પર દુષ્કર્મની ફરિયાદ નોંધાઈ હતી. અને ગોંડલ તાલુકા પોલીસે આ ગુનામાં 3 આરોપીની ધરપકડ પણ કરી લીધી છે. સાથે પોસ્કો એક્ટ સહિતની કલમ પણ દાખલ કરીને કાયદેસરની કાર્યવાહી શરૂ કરી છે. ગોંડલના આસોપાલવ સોસાયટીમાં રહેતા 19 વર્ષના વિરાજ ઉર્ફે વીરુ પરેશભાઈ ગોસ્વામી અને તેના મિત્ર ભોજરાજ પારસ સોસાયટીમાં રહેતા 21 વર્ષના અક્ષય કિશોરભાઈ સોલંકી અને આસોપાલવ સોસાયટીમાં રહેતા 21 વર્ષના મુકેશ સોલંકીની ધરપકડ કરાઈ છે. 

મોવૈયાની 12 વર્ષની દિકરીને શું ખબર હતી. મોબાઈલ પર એક ભૂલ કેવી હાલત પર લાવી દેશે. મોબાઈલ એપ્લિકેશન ઈન્સ્ટાગ્રામ પરથી સગીરાને ગોંડલના વિરાજ ઉર્ફે વીરુનો સંપર્ક થયો હતો. સોશિયલ મીડિયા પર મિત્રતા એટલી વિશ્વાસજનક બની ગઈ કે, યુવતીએ વિરાજ અને તેના મિત્રોની ચાલ વિશે જાણતી નહોતી.

ગાડી લઈને વિરાજ પોતાના મિત્રો સાથે મોવૈયા ગામ પહોંચ્યો

બંને મિત્રો સાથે વિરાજ ગોંડલના મોવૈયા ગામે ગાડી લઈને પહોંચ્યો હતો. સગીરાને બહાર મળવા બોલાવી હતી. જે બાદ ભોળવીને સગીરાને ગોંડલની વૃદાવન સોસાયટી 3મા વિરાજ પોતાના એક સગાના મકાને પહોંચ્યો હતો. જ્યાં વિરાજે સગીરા સાથે દુષ્કર્મ આચરી પોતાની હવસનો શિકાર બનાવી હતી. આ સમયે તેના અન્ય મિત્ર અક્ષય સોલંકીએ સગીરા સાથે શારીરિક અડપલાં કર્યા હતા અને જે બાદ સગીરાને ફરી તેના ગામ મોવૈયા મૂકી ગયા હતા.

સ્ત્રી વગરના ઘરમાં દિકરી પોતાની સાથે શું થયું જણાવી શકતી નહોતી

સમગ્ર ઘટનાને લઈ સગીરા સંપૂર્ણ રીતે ડરી ગઈ હતી. ઘરમાં કોઈ સ્ત્રીની હાજરી નહોતી. આ દિકરી મનોમન મુંઝાતી અને રડતી હતી. પોતાની સાથે જે કંઈ થયું તે વાત કોને કરવી તે સમજી શકતી નહોતી. અંતે પોતાના પાડોશીને આ વાતની જાણ થઈ હતી. જે બાદ પાડોશીએ સગીરાના કાકા સુધી સમગ્ર ઘટના વિશે જાણ કરી હતી. અને કાકા પોતાની ભત્રીજીને લઈ ગોંડલ તાલુકા પોલીસ સ્ટેશને પહોંચ્યા હતા. જ્યાં પોલીસ ફરિયાદ બાદ પોલીસે ગણતરીની કલાકમાં આ ત્રણેય આરોપીની ધરપકડ કરી લીધી છે.