સુરતના કાપોદ્રા વિસ્તારમાં બે વર્ષ પહેલા મકાન માલિકે ભાડૂઆતની 8 વર્ષની બાળકીને મોબાઇલમાં અશ્લીલ વીડિયો બતાવી તેની સાથે અડપલાં કર્યા હતા. 10 વર્ષીય બાળકીએ અત્યારે માતા-પિતાને વાત કરતા ફરિયાદ નોંધાઈ છે. કાપોદ્રા પોલીસે આરોપીની ધરપકડ કરી.
દીકરીએ રડતા રડતા કહ્યુ કે...
લાભુએ ભુલ સ્વીકારીને માફી માંગી
હવસખોરનો ભાંડો ફૂટ્યો લાભુએ બાળકીની છેડતી કરી
સુરતના કાપોદ્રા વિસ્તારમાં બે વર્ષ પહેલા નવરાત્રિમાં 10 વર્ષની બાળકી પાણી પીવા ઘરમાં ગઈ ત્યારે મકાન માલિક લાભુભાઈ ઉસદડિયાએ તેને રૂમમાં લઈ જઈ દરવાજો બંધ કરીને મોબાઇલ ફોનમાં અશ્લીલ વીડિયો બતાવી અડપલાં કર્યા હતા. આવું લાભુએ એક વાર નહીં પણ અનેક વાર કર્યુ્ં છે. હાલમાં બાળકીની માતાએ લાભુ વિરુદ્ધ કાપોદ્રા પોલીસ સ્ટેશનમાં છેડતીની ફરિયાદ નોંધાવી છે. બાળકીએ લાભુને માસા કહીને બોલાવતી હતી.
દીકરીએ રડતા રડતા કહ્યુ કે...
આ કારણથી હવસખોરનો ભાંડો ફૂટ્યો લાભુએ બાળકીની છેડતી કરી ત્યારે લાભુએ કહ્યું કે, જો તું આ વાત કોઈને કરશે તો તારી મમ્મી તને વ્હાલ નહીં કરશે. ત્યાર બાદ બાળકીને મનમાં ભય બેસી ગયો કે તેની મમ્મી તેને વ્હાલ કરતી નથી. 10 દિવસ પહેલા મમ્મી તેના ભાઈને વ્હાલ કરતી હતી. ત્યારે બાળકી રડવા લાગતા મમ્મીએ રડવાનું કારણ પૂછતા બે વર્ષ પહેલા લાભુએ તેની સાથે અડપલા કર્યાની વાત કહી હતી.
લાભુએ ભુલ સ્વીકારીને માફી માંગી
બાદમાં બાળકીએ માતા-પિતાને તમામ હકિકત કહ્યા બાદ માતા-પિતાએ મકાન માલિક લાભુ અને તેની પત્નીને બોલાવી હતી. ત્યારે લાભુએ ભુલ સ્વીકારીને માફી માંગી હતી.ત્યારે બાળકીના પિતાએ કહ્યું કે, તમને જોઈને બાળકી ગભરાય છે. તેથી આ વિસ્તાર છોડીને જતા રહો. લાભુએ 7 દિવસમાં વિસ્તાર છોડવાની વાત કરી હતી. લાભુએ સાત દિવસમાં વિસ્તાર ન છોડતા તેના વિરુદ્ધ કાપોદ્રા પોલીસ સ્ટેશનમાં ફરિયાદ નોંધાઈ છે.જેના આધારે કાપોદ્રા પોલીસે લાભુને પકડી લીધો છે.વધુ તપાસ શરૂ કરી છે.