સલામત ગુજરાતમાં દિવસને દિવસે દુષ્કર્મની ઘટનાઓ વધી રહી છે અને એમાં પણ સગીરાઓને શિકાર બનાવાઈ રહી છે. ત્યારે અમદાવાદનો આ ચોંકાવનારો કિસ્સો તમને તમારા બાળકોની ચિંતા કરાવે તેવો છે.
બળાત્કારનો પ્રયાસ કરનાર ઝડપાયો
બે બાળકી પર પર પ્રયાસ કર્યો હતો
આરોપીની કબુલાતથી પોલીસ ચોંકી ઉઠી
દાણીલીમડામાં છ અને સાત વર્ષની બે બાળકી પર બળાત્કારના પ્રયાસની ચોંકાવનારી ઘટનામાં ગણતરીના કલાકોમાં પોલીસે આરોપીને ઝડપી લીધો છે. પોલીસને પ્રાથમિક તપાસમાં જાણવા મળ્યું હતું કે, આરોપી સવારથી જ પ્લાનિંગ સાથે બાળકીઓની શોધમાં નિકળ્યો હતો. તેણે દાણીલીમડામાં બે કિશોરીઓને લાલચ આપી શૌચાલયમાં લઇ ગયો હતો.
જો કે, બાળકીઓએ બુમાબુમ કરતા તે પલાયન થઇ ગયો હતો. આરોપી પ્લાનિંગ સાથે નિકળ્યો હતો, જેથી તેણે ઓઇલ પણ સાથે રાખ્યું હતું. દાણીલીમડા પોલીસે CCTV ફૂટેજ મેળવી મહંમદ રફીક ઉર્ફે કાલુ ઉર્ફે ટાઇમપાસ સફીભાઇ રંગરેજની તેના જ ઘરેથી ધરપકડ કરી લીધી છે.
આ આરોપીએ પોલીસને જણાવ્યું કે, તે સવારથી બાળકીઓની તલાશમાં હતો અને બાળકીઓ સાથે સેક્સ કરતા મુશ્કેલી ન પડે તે માટે ઓઇલની બોટલ પણ સાથે રાખી હતી. આ આરોપીની આવી કબુલાતથી પોલીસ પણ એક તબક્કે ચોંકી ઉઠી હતી.
અગાઉ ઇસનપુર વિસ્તારમાં જ બાળકી પર બળાત્કારનો કેસ નોંધાયો હતો. જે કેસની ટ્રાયલ પૂર્ણ થતા કોર્ટે પોક્સો એક્ટ અને બળાત્કાર કરવાના આરોપસર તેને સાત વર્ષની સજા કરી હતી. જે સજા તે જેલમાં ભોગવી રહ્યો હતો. આ દરમિયાન થોડા દિવસ પહેલાં આરોપીના પિતાનું મોત થતા તે જેલમાંથી પેરોલ લઇ બહાર આવ્યો હતો અને ફરી આ પ્રકારનું કૃત્ય આચર્યું હોવાનું સામે આવ્યું છે.