ઔર એક દુષ્કર્મની ઘટના સામે આવી છે. ગુજરાતમાં દુષ્કર્મની ઘટનાઓ દિવસેને દિવસે આમ બની રહી છે અને પોલીસ તેમજ મહિલા મોરચા કે ગુજરાત સરકાર ખબર નહીં કેવા ઉત્સવો અને મેળાઓ મનાવવામાં મસ્ત છે. સાત વર્ષની માસૂમને નરાધમે પીંખી નાંખી અને એ બાળકી રોતી રહી. હાલ બાળકીની હાલત ગંભીર છે તેને સારવાર માટે હોસ્પિટલ ખસેડવામાં આવી છે. જો કે પ્રશ્ન થાય કે, રેપનો ભોગ બનેલી દીકરીઓ સરકાર, માતા-પિતા કે સમાજ ને માફ કરશે.
મોરબીમાં 7 વર્ષીય બાળકી સાથે દુષ્કર્મ
સીરામીક કારખાનાના મજૂર કવાર્ટરમાં બની ઘટના
સ્થાનિકોએ આરોપીને ઝડપીને પોલીસ હવાલે કર્યો
મોરબીમાં 7 વર્ષીય બાળકી સાથે દુષ્કર્મની ઘટના ઘટી છે. નીચી માંડલ ગામ નજીક આ ગોઝારો બનાવ બન્યો હતો. સીરામીક કારખાનાના મજૂરે ક્વાર્ટરમાં આ હિચકારૂ કૃત્ય કર્યુ હતુ. બાળકીની હાલત ગંભીર હોવાને કારણે તેને સારવાર અર્થે હોસ્પિટલ ખસેડવામાં આવી.
કારખાનાના શ્રમિક પર જ દુષ્કર્મનો આરોપ
કારખાનાના જ એક શ્રમિક દ્વારા આ જઘન્ય અપરાધ આચકવામાં આવ્યો છે. બાળકીને ક્વાર્ટરમાં લઇ જઇને શખ્સે આચર્યુ દુષ્કર્મ . સ્થાનિક શ્રમિકોએ આરોપીને પોલીસ હવાલે કર્યો. મોરબી તાલુકા પોલીસે ઘટનાની તપાસ હાથધરી છે.