ગુજરાતમાં કોરોનાનું સંકટ ઘેરાયુ છે. તેમ છતાં કેટલાક નરાધમ હજુય શરમજનક ઘટનાઓને અંજામ આપતા નથી ખચકાંતા અમદાવાદ 8 વર્ષની બાળકી પર દુષ્કર્મની ઘટના સામે આવી છે. લોકડાઉનમાં પણ બાળકી સાથે આવુ જઘન્ય કૃત્ય આચરનાર યુવક સામે પોલીસ ફરિયાદ નોંધવામાં આવી છે.
અમદાવાદના નિકોલમાં 8 વર્ષની બાળકી સાથે દુષ્કર્મ
ગેમ બતાવવાના બહાને યુવકે બાળકી સાથે દુષ્કર્મ કર્યું
અવધેશ કેવટ નામના શખ્સે દુષ્કર્મ આચર્યું હતું
અમદાવાદના નિકોલમાં 8 વર્ષની બાળકી સાથે દુષ્કર્મની ઘટના સામે આવી છે. બાળકીને ગેમ બતાવવાના બહાને યુવકે બાળકી સાથે દુષ્કર્મ કર્યું હતુ. માસૂમને પીંખનાર યુવાનને જરાય લાજ શરમ નહીં આવી હોય? તેવા પ્રશ્નો ઉઠી રહ્યા છે.
કોણ છે આરોપી?
મૂળ ઉત્તર પ્રદેશના પરિવારની બાળકી સાથે આ દૂર્ઘટના ઘટી છે. અવધેશ કેવટ નામના શખ્સે દુષ્કર્મ આચર્યું હતું. આરોપી અવધેશ સામે પોકસો હેઠળ ગુનો નોંધાયો છે. માનસિક વિકૃત અવધેશ સામે પરિવાર સહિતના લોકોએ રોષ વ્યક્ત કરીને તેને કડકમાં કડક સજાની માંગ કરી હતી.