ગુજરાત મોડેલમાં સબસલામતના પોકળ દાવાઓને એક બાળકીના મૃત્યુએ હચમચાવી દીધા છે. કોઈ રાજકારણી કોરોના ગ્રસ્ત થાય તો સ્પેશિયલ ચાર્ડટ હેલિકોપ્ટરથી સારવાર માટે તબીબો મોકલનાર નેતાઓને આ માસૂમ બાળકીઓના કે આમ જનતાના કોઈ દર્દ મહેસૂસ જ નથી થતાં? ગુજરાતમાં બાળકીઓ ઉપર અત્યાચારના આંકડા સરકાર અને પોલીસ પ્રશાસન પર શંકા ઉપજાવનારા છે. આવો જાણીએ કે માસૂમ સાથે દુષ્કર્મ જેવી શરમજનક ઘટનાઓને રોકવામાં તંત્ર સદતંર નિષ્ફળ રહ્યું છે.
રાજ્યની બહેન દીકરીઓ ઉપર થઈ રહેલા અત્યાચાર અને તેમની સલામતી સામે પ્રશ્નાર્થ
દુષ્કર્મમાં ગુજરાત 4 નંબરે, ગુમ થયેલાના આંકડા પણ ચોંકાવનારા
2018માં બાળકીઓ પર દુષ્કર્મની દેશમાં કુલ 21,605 ઘટનાઓ
અમદાવાદમાં 7 વર્ષની ખુશીની લાશ મળી આવતા ગુજરાતમાં સબસલામતના દાવાઓનો ફુગ્ગો ફુટી ગયો છે. પોતાના જ ઘરના આંગણેથી ગુમ થયેલી ખુશી 3 દિવસથી લા-પતા હતી ત્યારે પોલીસ અને પ્રસાશન સામે પ્રશ્નો ઉઠી રહ્યા છે. શું મોત બાદ કે કોઈ ન ઘટવાની ઘટના બાદ જ તંત્ર સાબદુ થાય છે?
લોકો પ્રશ્ન ઉઠાવી રહ્યા છે કે, રાજકોટમાં એક નેતાને કોરોના થયો અને એમની હાલત નાજુક થઈ તો મુખ્યમંત્રીશ્રીએ તાબડતોડ હેલિકોપ્ટર મોકલાવીને તબીબો મોકલાવી સારવાર શરૂ કરાવી તો રાજ્યની બહેન દીકરીઓ ઉપર થઈ રહેલા અત્યાચાર અને તેમની સલામતી સામે થઈ રહેલા પ્રશ્નોને લઈને કેમ કોઈ પગલા નથી લેવાતા?
શું છે ઘટના
3 દિવસ પહેલા શહેરના ગોતા વિસ્તારમાં આવેલ હાઉસિંગમાંથી ઘરની બહાર રમતા-રમતા ગુમ થયેલી બાળકીનો મૃતદેહ ઓગણજ ટોલનાકા પાસેથી હત્યા કરેલી હાલતમાં મળી આવતા ચકચાર મચી જવા પામી છે. આ અંગે ખુશીની લાશ મળી આવતા પોલીસ એક્શનમાં આવી છે અને પાડોશીની ધરપકડ કરી છે.
ગુજરાતમાં ગુમ થયેલા લોકો અને દુષ્કર્મના આંકડાઓ ઉપર નજર નાંખીએ તો નીરાશા મળે છે અને આ બંને ગુનાનો ભોગ સૌથી વધુ બાળકીઓ અને મહિલાઓ જ બને છે.
ગુજરાતમાં 2020માં ગૂમ થયેલા લોકો
ગુજરાતમાં ચાલુ વર્ષ 2020માં જુલાઇ માસ સુધીના સાત મહિનામાં કુલ 7447લોકો ગુમ થયા હોવાની ફરિયાદ વિવિધ પોલીસ સ્ટેશનોમાં નોંધાઇ છે. જેમાંથી અત્યાર સુધીમાં 2565 લોકો મળી આવ્યા છે, શોધી કઢાયા છે કે ઘરે પરત આવી ગયા છે. જ્યારે બાકીના 4882 લોકોનો આજદીન સુધી કોઇ અતોપતો નથી. અમદાવાદ શહેર-ગ્રામ્ય વિસ્તારની વાત કરીએ તો જાન્યુઆરીથી જુલાઇ માસ સુધીમાં કુલ 1697 લોકો ગુમ થઇ ગયા હતા. જેમાંથી આજદીન સુધી491 લોકોને શોધી શકાયા છે. જ્યારે બાકીના 1206 લોકો હજુ ગુમસુદા જ છે. સમગ્ર રાજ્યમાં ગુમ થવાના કિસ્સામાં અમદાવાદ મોખરે છે. ગુમ થયેલા લોકોમાં સૌથી વધુ મહિલાઓને અને દીકરીઓ છે.
માસ
ગુમ
પરત
હજુ પણ ગુમસુદા લોકો
જાન્યુઆરી
1442
480
942
ફેબુ્રઆરી
1431
493
938
માર્ચ
1248
447
837
એપ્રિલ
280
100
180
મે
579
185
394
જુન
1222
402
820
જુલાઇ
1209
458
751
કુલ
7447
2565
4882
દુષ્કર્મમાં ગુજરાત 4 નંબરે
ગુજરાતમાં વર્ષ 2016થી 2018 એમ ત્રણ વર્ષના સમય ગાળામાં બાળકીઓ પર દુષ્કર્મની 3743 ઘટનાઓ બની છે, પોક્સો કાયદા હેઠળની દુષ્કર્મની ઘટનાઓ સતત વધી રહી છે, વર્ષ 2016માં 1054, વર્ષ 2017 માં વધીને 1233 તો વર્ષ 2018માં વધીને 1456 ઘટનાઓ પોલીસ ચોપડે નોંધાઈ છે.
2018માં બાળકીઓ પર દુષ્કર્મની દેશમાં કુલ 21,605 ઘટનાઓ
ગુજરાતમાં વર્ષ 2018માં રોજ ચાર બાળકી પીંખાઈ છે તેમ કેન્દ્રના ગૃહ મંત્રાલયના લેટેસ્ટ રિપોર્ટમાં જણાવાયું છે. બાળકીઓ સાથે દુષ્કર્મની ઘટનાઓ બાદ કાયદામાં કડક જોગવાઈ પછીયે ઘટનાઓનું પ્રમાણ વધી રહ્યું છે, જે ચિંતાનો વિષય છે. વર્ષ 2018માં બાળકીઓ પર દુષ્કર્મની દેશમાં કુલ 21,605 ઘટનાઓ બની છે. ગુજરાત દુષ્કર્મની ઘટનામાં 4 નંબર પર છે.