બેટી પઢાઓ બેટી બચાઓ....ગુજરાતમાં છેલ્લા કેટલાક સમયથી સબ સલામતના દાવા કરવામાં આવી રહ્યા છે. પરંતુ આ જ છેલ્લા એક અઠવાડિયામાં ગુજરાતમાં દુષ્કર્મની ઘટનાઓએ રાજ્ય ગજાવ્યુ છે. લાગલગાટ વડોદરા, રાજકોટ, સુરતમાં દુષ્કર્મની ઘટાનાઓ ઘટી રહી છે ત્યારે મહેસાણામાં કિશોરી સાથે દુર્ઘટનાને પગલે ફરી ગુજરાતમાં બાળકીઓની સુરક્ષા મામલે સવાલ ખડા થઈ ગયા છે. હૈદરાબાદની યુવતી સાથે દુષ્કર્મને પગલે આરોપીઓનું એન્કાઉન્ટ કરવામાં આવ્યુ છે જ્યારે ગુજરાત પોલીસના પગલા સામે શંકાઓ સેવાઈ રહી છે.
વિસનગર નેચરલ પાર્ક પાસે આચર્યુ દુષ્કર્મ
અજયે બાળકીને જાનથી મારી નાંખવાની ધમકી આપી
બાળકીને ડરાવી ધમકાવીને રીક્ષા બેસાડી હતી
રાજ્યમાં વધુ એક દુષ્કર્મનો બનાવ સામે આવ્યો છે. મહેસાણામાં કિશોરી સાથે દુષ્કર્મની ઘટના સામે આવી છે. શાળાએ જવા નીકળેલી કિશોરી સાથે શખ્સે દુષ્કર્મ આચર્યું છે. ગુજરાત બાળકીઓ અને મહિલાઓ માટે દિવસે દિવસે અસલામાત બની રહ્યુ છે. ડિસેમ્બરમાં જ બાળકીઓ સાથે દુષ્કર્મનો આ ચોથો બનાવ છે. પહેલા વડોદરા, રાજકોટ, સુરત અને હવે મહેસાણામાં બાળકી ઉપર દુષ્કર્મ પણ પોલીસ તપાસમાં ઠાગા ઠૈયા જોવા મળી રહ્યા છે પોલીસ હજુ સુધી આરોપીઓ સુધી પહોંચી શકી નથી.
વિસનગર નેચરલ પાર્ક પાસે આચર્યુ દુષ્કર્મ
મહેસાણામાં બાળકી શાળાએ જવા નીકળી હતી. રસ્તામાં અજય નામના શખ્સે બાળકીને ડરાવી ધમકાવીને રીક્ષા બેસાડી હતી. અજય તેને વિસનગર નેચરલ પાર્ક પાસે લઈ ગયો હતો. અહીં અવાવરૂ જગ્યાએ બાળકી સાથે દુષ્કર્મ આચર્યુ હતુ. અજયે બાળકીને જાનથી મારી નાંખવાની ધમકી આપી હતી.
પોલીસે ફરિયાદને આધારે શરૂ કરી તપાસ
આ ઘટનાનીજાણ પોલીસ સ્ટેશનમાં કરવામાં આવી હતી જેને પગલે પોલીસે ફરીયાદ નોંધી અને વધુ તપાસ હાથ ધરી છે. વડોદરામાં થયેલા દુષ્કર્મ મામલે પોલીસ હજુ સુધી ગુનેગારો સુધી પહોંચી શકી નથી. ત્યારે મહેસાણા પોલીસ ખરેખર બાળકી ઉપર અત્યાચાર આચારનારને કેટલી વારમાં પકડી પાડે છે તે જોવુ રહ્યુ.