અમદાવાદના મેઘાણીનગરમાં પાડોશી યુવકે એક સગીરાને શિકાર બનાવ્યો છે, 14 વર્ષની સગીરા પર દુષ્કર્મ કર્યા બાદ તેને ધમકી પણ આપ્યાની ફરિયાદ નોંધાઈ
અમદાવાદના મેઘાણીનગરમાં સગીરા સાથે દુષ્કર્મ
પડોશમાં રહેતા શખ્સે આચર્યું દુષ્કર્મ
મેઘાણીનગર પોલીસે તપાસ હાથ ધરી
સુરત બાદ અમદાવાદમાં પણ દુષ્કર્મની ઘટનાઓ વધતી જાય છે. અમદાવાદના મેઘાણીનગરમાં પાડોશી યુવકે એક સગીરાને શિકાર બનાવ્યો છે. 14 વર્ષની સગીરા પર દુષ્કર્મ કર્યા બાદ તેને ધમકી પણ આપ્યાની ફરિયાદ નોંધાઈ છે. સગીરા પોતાના ઘરમાં એકલી સૂતી હતી ત્યારે પાડોશી યુવકે તેનું મોં દબાવી શારીરિક અડપલા કર્યા અને બળજબરી પૂર્વક દુષ્કર્મ કર્યું છે. સાથે સગીરાને ધમકી આપી કે, આ અંગે કોઈને જાણ કરી તો પિતા અને દાદીને મારી નાખવાની ધમકી આપી હતી.
જો કે, યુવતી આ ઘટના વિશે બોલવામાં પણ ડરતી હતી. જ્યારે પરિવારે સમગ્ર મામલે પૂછપરછ કરી તો, ઘટનાની સત્યતા સામે આવી હતી. સગીરાને સારવાર માટે હોસ્પિટલમાં પણ એડમિટ કરી હતી. સમગ્ર ઘટના અંગે મેઘાણીનગર પોલીસ મથકમાં પાડોશી યુવક વિરુદ્ધ ગુનો નોંધીને તપાસ હાથ ધરાઈ છે.
મેઘાણીનગરમાં રહેતો સામાન્ય પરિવાર મરણના કામે આબું ગયો હતો
અમદાવાદના મેઘાણીનગરમાં એક સામાન્ય પરિવાર અને રોજનું કમાઈને રોજ ખાનારા પરિવારની દિકરીને શિકાર બનાવ્યો છે. 1લી જુલાઈના દિવસે આ પરિવાર પોતાના સંબંધીના ઘરે મરણના પ્રસંગે આબું પહોંચ્યો હતો. ઘરે સગીરાની માતા અને અન્ય ત્રણ દિકરા હતા. રાત્રીના સમયે પરિવાર ઘરના બહારના ભાગે સૂતો હતો. ત્યારે 14 વર્ષની દિકરી ઘરમાં એકલી સૂતી હતી. અને પાડોશમાં રહેતો યુવક આ અંગે જાણતો હોય તેવી રીતે યુવતીના રૂમમાં ઘૂસી આવ્યો હતો. અને બળજબરી પૂર્વક યુવતી સાથે દુષ્કર્મ આચર્યો હતો. સમગ્ર ઘટનાનો ખુલાસો ત્યારે થયો હતો. જ્યારે સગીરાને પેટમાં સતત દુખાવો થવાનો શરૂ થયો. યુવતીએ આ અંગેની જાણ તેના પરિવારને કરી અને પરિવારે પૂછપરછ કરતા યુવકની હરકત સામે આવી હતી.