નિ:સંતાન મહિલાને તાંત્રીક વીધીથી સંતાન પ્રાપ્ત કરાવી આપવાની લાલચ આપી દુષ્કર્મ ગુજાર્યાની ઘટના સામે આવી હતી આ પ્રકરણમાં સંડોવાયેલ આરોપીની અમદાવાદ ક્રાઇમ બ્રાન્ચએ ધરપકડ કરી છે.
સંતાન પ્રાપ્તિની લાલચમાં મહિલા સાથે દૂષ્કર્મ
પોલીસે 2 આરોપીની કરી ધરપકડ
પોલીસે સમગ્ર મામલે કાર્યવાહી હાથ ધરી
અમદાવાદ શહેરમાં રહેતી એક મહિલાને સંતાન પ્રાપ્તિ માટે તાંત્રિકનો સંપર્ક કરવો ભારે પડ્યું છે. મહિલાને સંતાન થતું ના હોવાથી મૂળ કપડવંજના દિલદારમીયા ઉર્ફે દિલાવરમીયા કાલુમિયા શેખ સાથે સંપર્ક થયો હતો. જેણે મહિલાનો સંપર્ક રાજસ્થાનનાં બાસવાડા જિલ્લામાં રહેતા મુકેશ ગરાસીયા નામના તાંત્રિક સાથે કરાવ્યો હતો. જેણે તાંત્રિક વિધિથી સંતાન પ્રાપ્તિ કરાવી આપવાનું કહીને મહિલાને વિશ્વાસમાં લીધી હતી અને જ્યારે આરોપી દિલદારમીયા ઉર્ફે દિલાવરમીયા મહિલાને દાહોદ જિલ્લાના ફતેપુરા ગામ ખાતે લઈ ગયો હતો ત્યાંથી આરોપી મુકેશ ગરાસિયાના જણાવ્યા મુજબ રાજસ્થાન આનંદપુરી તાલુકાના ઉમેદપુરા ગામ ખાતે ડોક્ટર મિથુન સરકારના મકાનમાં લઈ ગયા હતા. જ્યાં એક રૂમમાં મહિલાને લઈ જઈ તેને નિવસ્ત્ર કરી કાળા ગાદલા ઉપર સુવાડીને તેની આંખો બંધ કરાવી દીધી હતી. બાદમાં તેની બાજુમાં દીવો કરી ચૂંદડી તથા પૂજાના સામાનથી તેના પર તાંત્રિક વિધિ કરેલ અને વિધિ દરમિયાન તેના પર બળાત્કાર ગુજાર્યો હતો.
આરોપી દિલદારમીયા ઉર્ફે દિલાવરમીયાની ધરપકડ
અ દરમિયાન મહિલા ગભરાઈને ઊભી થઈ જતા આરોપીએ વિધિ ફેલ થઈ ગઈ છે તેમ જણાવ્યું હતું. જો કે મહિલા સાથે બનેલ બનાવને લઈને તે ગભરાઈ ગઈ હતી. જેથી તે અમદાવાદ ખાતે આવી ગયેલ અને સમગ્ર ઘટનાની જાણ પોલીસને કરતા મહિલા પશ્ચિમ પોલીસ સ્ટેશન ખાતે પોલીસ ફરિયાદ દાખલ કરવામાં આવી હતી. બાદમાં પોલીસએ આરોપી દિલદારમીયા ઉર્ફે દિલાવરમીયાની ધરપકડ બાદ મુખ્ય આરોપી તાંત્રિક મુકેશ ગરાસીયા ની પણ ધરપકડ કરી છે. આરોપીઓની પૂછપરછ કરતા અનેક ચોંકાવનારા ખુલાસા થયા છે. એટલું જ નહીં આરોપીના મોબાઇલ ફોનમાંથી અનેક મહિલાઓ અને યુવતીઓના ફોટોગ્રાફ્સ સહિત કેટલીક વિગતો મળી આવેલ છે. આરોપીઓ તાંત્રિક વિધિથી સંતાન પ્રાપ્તિ કરાવી આપવાના બદલામાં રૂપિયા બે લાખની પણ માગણી કરતા હતા. જેને લઈને પોલીસે કાર્યવાહી આગળ ધપાવી છે.
તાંત્રિક વિધિ કરીને રૂપિયાના વરસાદની લાલચ
આરોપી આ સિવાય કેટલીક મહિલા ઓ પર તાંત્રિક વિધિ કરીને રૂપિયાનો વરસાદ કરી આપવાની પણ લાલચ આપતો હતો. આરોપી તાંત્રિક વિધિ કરીને રૂપિયાનો વરસાદ કરી આપવા માટેની પણ લાલચ લોકોને આપતો હતો. પાંચથી છ ફૂટ સુધીની ઊંચાઈ ધરાવતી મહિલા, જેના શરીર ઉપર કોઈપણ પ્રકારનો ચિન્હ જેમાં ટેટુ ,છૂંદણા તથા સીજેરિયન થયેલ ન હોય તેમ જ તેને કૂતરું કરડેલ ન હોય તેવી મહિલાને એકાંતમાં રાખી નિવસ્ત્ર કરી તેના ઉપર તાંત્રિક વિધિ કરી પૈસાનો વરસાદ કરી શકતો હોવાની પોતાની પાસે આવડત હોવાની વાત પણ તેણે પોતાના પરિચિતોને કરી હતી. હાલમાં પોલીસે આરોપી તાંત્રિક ધરપકડ કરીને વધુ પૂછપરછ શરૂ કરી છે.