ઝારખંડના રાંચિમાંથી એક મહિલાએ બળાત્કારનો આરોપ લગાવ્યો છે. પીડિતાએ દિયર વિરુદ્ધ પોલીસ સ્ટેશનમાં ફરિયાદ પણ નોંધાવી છે.
ઝારખંડની મહિલાએ રેપનો કેસ નોંધાવ્યો
દિયરે ભાભીને ફોસલાવી ફરવા લઈ ગયો
ફરવાના બહાને ભાભી સાથે મજા માણી લીધી
ઝારખંડના રાંચિમાંથી એક મહિલાએ બળાત્કારનો આરોપ લગાવ્યો છે. પીડિતાએ દિયર વિરુદ્ધ પોલીસ સ્ટેશનમાં ફરિયાદ પણ નોંધાવી છે. જેમાં લખ્યું છે કે, તેનો દિયર તેને ફરવા માટે પટના અને દિલ્હી લઈ ગયો અને બાદમાં દિલ્હીમાં એક ભાડાના રૂમમાં તેની સાથે દુષ્કર્મ કર્યું હતું. ત્યાર બાદ કલકત્તા લાવ્યો અને ત્યાંથી રાંચિ રેલ્વે સ્ટેશને છોડી મુકીને ફરાર થઈ ગયો હતો. સાથે જ ધમકી આપી હતી કે, કોઈને કંઈ બતાવ્યું તો, જાનથી મારી નાખશે. પીડિતાનું કહેવુ છે કે, તે અરગોડા પોલીસ સ્ટેશને પહોંચી અને આરોપી વિરુદ્ધ ફરિયાદ નોંધાવી છે.
ટેક્સી બુક કરી ફરવા લઈ ગયો
પીડિતાના જણાવ્યા અનુસાર આરોપી તેના ઘરે આવતો જતો રહેતો હતો. 28 માર્ચે આરોપી દિયરે ત્રણ વાગ્યે તેને મળવા બોલાવી અને ટેક્સી બુક કરીને ફરવા માટે લઈ ગયો. પીડિતાએ તેના પર વિશ્વાસ કર્યો અને તેની સાથે ફરવા ઉપડી ગઈ. જો કે, થોડી દૂર જઈને તેને કારમાંથી ઉતારી અને બસમાં બેસાડી અને પટના લઈ ગયો. પટનાથી તે ટ્રેન દ્વારા દિલ્હી આવ્યો અને અહીં એક ભાડાનું મકાન લીધું. જ્યાં તેની સાથે બે દિવસ સુધી દુષ્કર્મ કર્યું.
ભાભીએ ઘરે જવાની જીદ કરી તો સ્ટેશન પર મુકી ફરાર થઈ ગયો
આ ઉપરાંત પીડિતાએ જણાવ્યું કે, આરોપી દિયરે કલકત્તાની હોટલમાં બે દિવસ રાખી અને ત્યાં પણ રેપ કર્યો, જ્યારે તે ઘરે જવાની જિદ કરવા લાગી તો, ચાર એપ્રિલે તેને ટ્રેનથી રાંચિ લાવ્યો. રાંચિ સ્ટેશન પર તેણે કહ્યું કે, આ વાતની કોઈને જાણ થવી જોઈએ નહીં.સાથે ધમકી આપી કે, જો કોઈને આ આ ઘટના વિશે જણાવ્યું તો, આખા પરિવારને જાનથી મારી નાખશે. ત્યાર બાદ પીડિતાને રાંચિ સ્ટેશન પર છોડીને ભાગી ગયો.
પોલીસ સ્ટેશનમાં નોંધાઈ ફરિયાદ
પીડિતા જેમ તેમ કરીને પોતાના ઘરે પહોંચી અને પોતાના પતિને આખી ઘટના જણાવી. ત્યાર બાદ પોલીસ સ્ટેશને પહોંચીને ફરિયાદ નોંધાવી. તો વળી પોલીસનું કહેવુ છે કે, ફરિયાદ નોંધી તપાસ શરૂ કરવામાં આવી છે. ટૂંક સમયમાં જ આરોપીની ધરપકડ કરી લેવામાં આવશે.