ચકચાર / ફિલ્મ ઇન્ડસ્ટ્રીમાં મચ્યો ખળભળાટ, આ જાણીતા એક્ટર પર લાગ્યો દુષ્કર્મનો આરોપ, પોલીસ થઈ દોડતી

• મલયાલમ ફિલ્મ ઇન્ડસ્ટ્રીમાં ખળભળાટ
• વિજયબાબુ પર લાગ્યા ગંભીર આરોપ
• મહિલાએ બળાત્કારનો આરોપ લગાવ્યો 

 ફિલ્મ જગતમાં આપણે હંમેશા મૂવી, ફેશન અને ગોસિપની ચર્ચાઓ સાંભળતા હોઇએ છીએ. ત્યારે એક એવા સમાચાર આવ્યા છે કે જેનાથી ફિલ્મ ઇન્ડસ્ટ્રીમાં ખળભળાટ મચી ગયો છે.  ફિલ્મમાં દમદાર ભૂમિકા નિભાવીને અભિનેતાઓ ફેન્સના મનમાં એક ઊંડી છાપ છોડી જાય છે. મોટા ભાગના સ્ટાર્સ વિશે આપણે પોઝિટીવ જ સાંભળીએ છીએ ત્યારે એક આવા જ એક સ્ટાર્સ પર બળાત્કારનો આરોપ લાગતા ચકચાર મચી છે. અભિનેતા પર આરોપ છે કે તેણે ફિલ્મોમાં કામ મેળવવાને બદલે મહિલા સાથે શારીરિક સંબંધો બાંધ્યા હતા.

અભિનેતા પર આ આરોપ

બળાત્કારનો આરોપ લાગનાર અભિનેતા મલયાલમ ફિલ્મ ઇન્ડસ્ટ્રીના બહુ જાણીતા અભિનેતા છે. મલયાલમ ફિલ્મ ઈન્ડસ્ટ્રીમાં વિજય બાબુની એક અલગ ઓળખ છે. નિર્માતા, અભિનેતા અને ઉદ્યોગપતિ વિજય બાબુ આ દિવસોમાં મુશ્કેલીમાં છે. અભિનેતા વિરુદ્ધ બળાત્કારનો કેસ નોંધવામાં આવ્યો છે. કોઝિકોડમાં રહેતી ફરિયાદી મહિલાએ તેના પર ગંભીર આરોપ લગાવ્યા છે. મહિલાએ ફિલ્મમાં કામ અપાવવાના બદલામાં રેપ કરવાનો આરોપ લગાવ્યો છે. આ સમાચાર સામે આવ્યા બાદ ખળભળાટ મચી ગયો છે.

'પોલીસે પૂછપરછ કરી નથી'

ફરિયાદી અનુસાર, વિજય બાબુએ તેને ફિલ્મમાં કામ અપાવવાના બદલામાં અર્નાકુલમમાં તેની સાથે ઘણી વખત શારીરિક સંબંધો બાંધ્યા હતા. 22 એપ્રિલે વિજય બાબુ વિરુદ્ધ ફરિયાદ દાખલ કરવામાં આવી હતી. પરંતુ ફરિયાદના ચાર દિવસ બાદ પણ પોલીસ તેની પૂછપરછ કરી શકી નથી. વિજય બાબુ વિરુદ્ધ બળાત્કાર અને ગંભીર શારીરિક નુકસાન પહોંચાડવાનો કેસ નોંધવામાં આવ્યો છે. પોલીસે આ કેસની વિગતો આપી નથી.

વિજય બાબુ ક્યાં છે તેની ખબર નથી ?

તમને જણાવી દઈએ કે વિજય બાબુ એક શાનદાર નિર્માતા અને અભિનેતા છે. તેણે ઘણી હિટ ફિલ્મો આપી છે. તેની ફ્રાઈડે ફિલ્મ હાઉસ નામની પ્રોડક્શન કંપની પણ છે. તેણે આ પ્રોડક્શન હાઉસમાંથી નવી ફિલ્મો બનાવવાની જાહેરાત કરી છે. પોલીસે વિજય બાબુના ઠેકાણાનો ખુલાસો કર્યો નથી. આ સમાચારથી મલયાલમ ઈન્ડસ્ટ્રીમાં ખળભળાટ મચી ગયો છે.