રાજ્યમાં છેડતી અને બળાત્કારની ઘટનાઓ પ્રકાશમાં આવી રહી છે ત્યારે રાજકોટમાં રૂવાંડા ઉભા કરતો હેવાનિયતનો કિસ્સો સામે આવ્યો છે.
રાજકોટમાં સાવકા પિતા દીકરી પર આચર્યું દુષ્કર્મ
સાવકા પિતાએ 2 દીકરી પર આચર્યાની ફરિયાદ
પોલીસે આરોપીની કરી અટકાયત
મળતી જાણકારી પ્રમાણે, રાજકોટમાં સાવકા પિતા પોતાની જ 2 દીકરીઓ પર દુષ્કર્મ આચર્યુ હતું. આ કિસ્સો પ્રકાશમાં આવતા સમગ્ર પંથકમાં ચકચાર મચી જવા પામી હતી.
પિતા કહીને સંબોધન કરનાર દીકરીઓને પીંખી નાંખી
મળતી વિગતો પ્રમાણે, બે પુત્રીની માતા વિધવા થયાં બાદ 14 વર્ષ પહેલાં તેણે એક વ્યક્તિ સાથે બીજા લગ્ન કર્યાં હતાં. જો કે, પિતા કહીને સંબોધનાર કરાનાર દીકરીઓને જ પોતાની હવસનો શિકાર બનાવી હતી.
ત્રણ વર્ષથી સાવકો બાપ આચરી રહ્યો હતો દુષ્કર્મ
પોલીસ સ્ટેશને પહોંચેલી યુવતીએ પોલીસ સમક્ષ નોંધાવેલી ફરિયાદમાં જણાવ્યું હતું કે, પિતાનું નિધન થતાં 14 વર્ષ પહેલા તેણીની માતાએ એક શખ્સ સાથે લગ્ન કર્યા હતા. જો કે, ત્રણ વર્ષ પહેલા રાતના સમયે પિતા તેની પાસે આવ્યો અને બળજબરી પૂર્વક શારિરીક સંબંધ બાંધ્યો હતો અને ત્યારબાદ આ ક્રમ નિત્ય બની ગયો ગયો.
પિયર આવેલી બહેનને નાની બહેને જણાવી સાવકા પિતાની કરતૂત
ઉલ્લેખનીય છે કે, મે મહિના જ ભોગ બનનારી યુવતીના લગ્ન થતાં સાસરે જતી રહી હતી અને તાજેતરમાં જ યુવતી ઘરે આવતા નાની બહેને પણ પિતાના કરતૂત અંગેની જાણ તેણીને કરતા મોટી બહેન હચમચી ઉઠી હતી અને પોલીસ સ્ટેશને પહોંચી હતી. આ મામલે પોલીસે ગુનો નોંધીને કાયદેસરની કાર્યવાહી હાથ ધરી હતી.