શરમજનક / સાહિત્ય અકાદમી પુરસ્કાર વિજેતા લેખક પર મહિલાએ દુષ્કર્મની ફરિયાદ નોંધાવી, પોલીસ દ્વારા ધમકી પણ અપાવી

• સાહિત્ય અકાદમી પુરસ્કાર લેખક પર રેપ કેસ નોંધાયો
• મહિલાએ પોલીસમાં નોંધાવી ફરિયાદ
• લગ્નની લાલચ આપી 10 વર્ષ સુધી રેપ કર્યો

રાજધાની દિલ્હીના તિમારપુરમાં એક મહિલાએ સાહિત્ય અકાદમી પુરસ્કાર વિજેતા લેખક નિલોત્પલ મૃણાલ પર દુષ્કર્મનો આરોપ લગાવ્યો છે. તિમારપુર પોલીસ સ્ટેશને પીડિત મહિલાની ફરિયાદ પર કથિત દુષ્કર્મની FIR નોંધી લીધી છે અને આ મામલે તપાસ શરૂ કરી દીધી છે. 

પોલીસ અધિકારીએ મહિલાના પિતાને ફોન કર્યો

દિલ્હી પોલીસે જણાવ્યું હતું કે, તિમારપુર પોલીસ સ્ટેશન હદ વિસ્તારમાં દુષ્કર્મનો કેસ નોંધવામાં આવ્યો છે. એક મહિલા તરફથી મળેલી ફરિયાદના આધારે નોંધાયેલી FIRમાં કહેવામાં આવ્યું છે કે લેખક નીલોત્પલ મૃણાલે લગ્નની લાલચ આપીને તેણે 10 વર્ષ સુધી રેપ કર્યો હતો. ફરિયાદમાં એવું પણ કહેવાયુ છે કે, એક પોલીસ અધિકારીએ મહિલાના પિતાને ફોન કરીને કહ્યું કે, તે મહિલા નીલોત્પલથી પૈસા વસૂલવા માટે તેને બ્લેકમેલ કરી રહી છે. 

The FIR also states that a Police officer called up the woman's father and told him that she (the woman) is blackmailing Nilotpal to extort money from him: Delhi Police

— ANI (@ANI) May 9, 2022

UPSCની તૈયારી કરી રહી છે પીડિતા

32 વર્ષિય પીડિતા મૂળ તો ઉત્તર પ્રદેશના ગોરખપુરની રહેવાસી છે. તે 10 વર્ષથી દિલ્હીમાં ભાડાના મકાનમાં રહે છે. અને હાલમાં તે યુપીએસસીની તૈયારી કરી રહી છે. 

ફેસબુક પર થઈ હતી દોસ્તી

પીડિતાના જણાવ્યા અનુસાર, 10 વર્ષ પહેલા દિલ્હીમાં રહેતા ઝારખંડના લેખક નીલોત્પલ સાથે ફેસબુક પર દોસ્તી થઈ હતી. બંને એકબીજાને મળતા હતા. પીડિતાનો આરોપ છે કે, વર્ષ 2013માં આરોપીએ તેની સાથે બળજબરીપૂર્વક સેક્સ સંબંધો બાંધ્યા હતા. આરોપીએ ખુદ પોલીસ કાર્યવાહીથી બચવા માટે લગ્નની લાલચ આપી હતી. બાદમાં તે લગ્નને લઈને બહાના બનાવતો રહ્યો હતો. 

પીડિતાનો આરોપ છે કે, આરોપીના બદલાયેલા વ્યવહાર બાદ તેના મોબાઈલ ફોનથી ખબર પડી કે, આ લેખકને અન્ય કેટલીય છોકરીઓ સાથે સંબંધ છે. ત્યાર બાદ તેણે તિમારપુર પોલીસ સ્ટેશનમાં પોલીસ ફરિયાદ નોંધાવી હતી.