એક તરફ રાખીએ આદિલ પર મારપીટ અને છેતરપિંડીનો આરોપ લગાવ્યો તો બીજી તરફ આદિલ ખાન વિરુદ્ધ રેપનો કેસ પણ નોંધવામાં આવ્યો હોવાના સમાચાર સામે આવી રહ્યા છે.
આદિલ વિરુદ્ધ બળાત્કારનો કેસ દાખલ કર્યો
આદિલ વિરુદ્ધ આઈપીસીની કલમ 376, 417,420, 504 અને 506 હેઠળ FIR
આદિલે છોકરીને આપી હતી ધમકી
રાખી સાવંતના પતિ આદિલ ખાનના લગ્ન અને બંનેના છૂટા પડવાના સમાચાર છેલ્લા ઘણા દિવસોથી આવી રહ્યા છે, એવામાં હાલ આદિલ ખાન દુર્રાનીની મુશ્કેલીઓ વધી રહી હોય એવું દેખાઈ રહ્યું છે. જણાવી દઈએ કે એક તરફ રાખીએ આદિલ પર મારપીટ અને છેતરપિંડીનો આરોપ લગાવ્યો છે. તો એ સાથે જ આદિલ ખાન વિરુદ્ધ રેપનો કેસ પણ નોંધવામાં આવ્યો હોવાના સમાચાર સામે આવી રહ્યા છે.
આદિલ વિરુદ્ધ બળાત્કારનો કેસ દાખલ કર્યો
એક રિપોર્ટ મુજબ ઈરાનની એક વિદ્યાર્થીનીએ આદિલ સામે બળાત્કારનો કેસ દાખલ કર્યો છે. જણાવી દઈએ કે રાખી સાવંતના પતિ આદિલ ખાન વિરુદ્ધ હાલ ઈરાની વિદ્યાર્થીએ મૈસૂરના વીવી પુરમ પોલીસ સ્ટેશનમાં આદિલ વિરુદ્ધ બળાત્કારનો કેસ નોંધાવ્યો છે. મૈસૂરમાં આદિલ વિરુદ્ધ આઈપીસીની કલમ 376, 417,420, 504 અને 506 હેઠળ એફઆઈઆર નોંધવામાં આવી છે.
લગ્ન કરવાનો વાયદો કરીને બળાત્કાર કરવાની કોશિશ
રિપોર્ટ અનુસાર ઈરાનથી એક વિદ્યાર્થી મૈસૂરમાં ડોક્ટર ઓફ ફાર્મસીનો અભ્યાસ કરવા ભારત આવૈ હતી અને છોકરી આદિલ ખાનને ડેઝર્ટ લેબ ફૂડ અડ્ડા ખાતે મળી હતી. જણાવી દઈએ કે આદિલ તે ફૂડ આઉટલેટનો માલિક હતો અને ધીરે ધીરે બંનેની નિકટતા ઘણી વધી ગઈ હતી. ફાઇલ કરવામાં આવેલ એફઆઇઆર મુજબ આદિલે તે ઈરાની સ્ટુડન્ટને લગ્ન કરવાનો વાયદો કરીને એક અપાર્ટમેન્ટમાં તેની સાથે બળાત્કાર કરવાની કોશિશ કરી હતી. આ સાથે જ તેને એમ પણ જણાવ્યું છે કે 5 મહિના પહેલા પણ તેને લગ્ન કરવાની માંગણી કરી હતી એમ છતાં પણ તેને ના કહી દીધી હતી. સાથે જ આદિલે એમ પણ કહ્યું હતું કે તેના જેવી છોકરીઓ સાથે એ આવાજ સંબંધ રાખે છે.
આદિલે છોકરીને આપી હતી ધમકી
એ સમયે છોકરીએ જ્યારે આદિલને પોલીસમાં ફરિયાદ નોંધાવવાની વાત કરી ત્યારે એ છોકરીનેસ્નેપચેટ પર બે મોબાઈલ નંબર પરથી તેની કેટલીક ઈન્ટિમેટ તસવીરો મોકલી આપી હતી. આ સાથે જ યુવતીએ ફરિયાદમાં બંને ફોન નંબરનો પણ ઉલ્લેખ કર્યો છે. સાથે જ આદિલે યુવતીને ધમકી આપી હતી કે તે તે તસવીરો સોશિયલ મીડિયા પર શેર કરશે અને તેના માતા-પિતાને પણ મોકલી દેશે. તેણે ધમકી પણ આપી હતી કે જો યુવતી તેની સામે કોઈ ફરિયાદ કરશે તો તે તેને મારી નાખશે.
રાખીએ આદિલ પર લગાવ્યા છે આવા આરોપ
રાખી સાવંતે પણ આદિલ પર મારપીટ કરવાનો આરોપ લગાવ્યો છે. રાખીનો દાવો છે કે આદિલ તેની સાથે ખરાબ વ્યવહાર કરતો હતો એનએ મારતો પણ હતો. રાખીએ આદિલ પર એવો પણ આરોપ લગાવ્યો છે કે આદિલના અન્ય ઘણી છોકરીઓ સાથે અફેર છે. રાખીની ફરિયાદ બાદ આદિલને પોલીસે કસ્ટડીમાં લીધો હતો. હવે આદિલ સામે પણ બળાત્કારનો કેસ નોંધવામાં આવ્યો છે.