પોકસો એક્ટ / 15 વર્ષની સગીરાને લગ્નની લાલચ આપી બનાવી હવસનો શિકાર, બનાસકાંઠામાં હચમચાવી દેનારો કિસ્સો આવ્યો સામે

• બનાસકાંઠાના કાંકરેજની ઘટના
• 15 વર્ષીય સગીરા સાથે દુષ્કર્મ
• અપહરણ કર્યા બાદ આચર્યું દુષ્કર્મ

ગુજરાતમાં મહિલા અને યુવતીઓ સુરક્ષિત છે તેવા દાવાઓ કરવામાં આવે છે પરતું સબસલામતની વાતો વચ્ચે જાણી આપના હોશ ઉડી જશે ગુજરાતમાં દૈનિક ચાર જેટલી દુષ્કર્મની ઘટનાઓ બને છે જો રાજ્યમાં છેલ્લા બે વર્ષની વાત કરવામાં આવે તો બે વર્ષમાં 3095 જેટલી દુષ્કર્મની ઘટનાઓ સામે આવી છે. 

15 વર્ષીય સગીરાને લગ્નની લાલચ આપી હવસ સંતોષી
બનાસકાંઠાના કાંકરેજ તાલુકાના મંગળપુરામાં 15 વર્ષીય સગીરા સાથે દુષ્કર્મ આચર્યાની ઘટના સામે આવી છે. વડા ગામના શખ્સે સગીરાને લગ્નની લાલચ આપી અપહરણ કર્યું હતું ત્યાર બાદ સગીરા સાથે દુષ્કર્મ આચર્યું હોવાની શિહોરી પોલીસ સ્ટેશનમાં ફરિયાદ નોંધાઈ છે.. પોલીસે આરોપી વિરુદ્ધ પોક્સો હેઠળ ગુનો નોંધી આગળની કાર્યવાહી હાથ ધરી છે.

પોકસો એક્ટ શું છે?
બાળકો સાથે થતી જાતીય સતામણી રોકવા માટે સરકારે કડક કાયદા બનાવ્યા છે. જે પૈકીનો એક કાયદો પોકસો છે. ધી પ્રોટેક્શન ઓફ ચિલ્ડ્રન ફ્રોમ સેક્સુઅલ ઑફેન્સ એકટ 2012 તેનું પૂર્ણ નામ છે.બાળ યૌન ઉત્પીડનની વધતી ઘટનાઓને રોકવા માટે, પોક્સો કાનૂનને વધુ કડક બનાવવાના આવ્યો છે અનેક પ્રસ્તાવિત સંશોધનોમાં બાળકો સાથે ગંભીર યૌન ઉત્પીડન કરનારને મૃત્યુદંડ તથા કિશોર ગૂનેગારો વિરુદ્ધ અન્ય ગુનાઓ માટે કડક સજાની જોગવાઇ કરવામાં આવી છે.

પોકસો હેઠળ કોણ ફરિયાદ નોંધાવી શકે અને ક્યાં?
કુમળા મનના બાળકની જાતીય સતામણીથી લાંબા ગાળે સમાજ ઉપર ગંભીર અસર પડે છે. બાળક સાથે જાતીય ગતિવિધિ કરવી તે ગંભીર ગુનો છે. બાળકનો શારીરિક અને માનસિક વિકાસ પૂરતો ન થયો હોય, પુખ્ત વયના ન હોય ત્યારે આવી ઘટના બને તો તે બાળકને આખીય જીદંગી ભોગવવાનું આવે છે. બાળક ઉપરાંત વાલી, તબીબ, સ્કૂલ સાથે સંકળાયેલા વ્યક્તિ સહિતના કોઈપણ વ્યક્તિ પોક્સો અંતર્ગત ફરિયાદ નોંધાવી શકે છે.ગુનાને રોકવા સ્પેશિયલ જુવેનિલ પોલીસ યુનિટ બનાવવામાં આવી છે. ઉપરાંત લોકલ પોલીસને પણ ફરિયાદ નોંધાવી શકાય છે.

કયા જિલ્લામાં કેટલી દુષ્કર્મની ફરિયાદ? (વર્ષ 2021ના આંકડા મુજબ છેલ્લા 2 વર્ષમાં)