હદ વટાવી / સુરત: કિશોરીને ભગાડીને લઈ જઈ આરોપીએ મિત્રો સાથે ગેંગરેપ કર્યો, પોલીસ મથકે પહોંચેલી પીડિતાએ કહ્યું દેહવ્યાપારમાં પણ ધકેલી

• સુરતમાં કિશોરી સાથે સામૂહિક દુષ્કર્મ 
• 3 નરાધમોએ આચર્યુ દુષ્કર્મ
• પોલીસે ત્રણેયની કરી અટકાયત

સુરતમાં દુષ્કર્મના બનાવોમાં કોર્ટ દ્વારા આકરી સજા ફટકારવામાં આવી રહી છે.પરંતુ નરાધમોના વર્તનમાં કોઈ સુધારો આવ્યો નથી.સુરતના ડિંડોલી વિસ્તારમાં એક કિશોરી સાથે સામૂહિક દુષ્કર્મની ઘટના સામે આવી છે.કિશોરીએ તેના મિત્ર અને અન્ય બે શખ્સોએ તેની સાથે દુષ્કર્મ કર્યું હોવાનો આક્ષેપ કર્યો છે.ચીખલીથી ભાગીને મિત્ર સાથે સુરત આવેલી કિશોરી પર આવાસના બંધ મકાનમાં દુષ્કર્મ આચરવામાં આવ્યું હોવાની ફરિયાદ ડિંડોલી પોલીસ સ્ટેશનમાં નોંધાઈ છે...કિશોરીની ફરિયાદના આધારે હાલ ડિંડોલી પોલીસે 3 આરોપીઓની અટકાયત કરી છે

આવાસના બંધ મકાનમાં ગેંગ રેપ
ગુજરાતના ગુહરાજ્યમંત્રી જે શહેરના છે તે શેહરના પોલીસ કમિશનર ગુના ખોરી ઓછી થયાની વાત કરે છે,  પણ આ સુરત ની સતત સુરત બગડી રહી છે કારણ કે સુરતમાં સતત હત્યા અને ત્યાર બાદ બળાત્કાર ઘટના બની રહી છે તેમાં પણ નાની બાળા અને કિશોરી સાથે આવી ઘટના વધુ બની રહી છે ત્યારે ગતરોજ ચીખલીથી ભાગીને મિત્ર સાથે સુરત આવેલી કિશોરી પર આવાસના બંધ મકાનમાં ગેંગ રેપની ઘટના સામે આવી છે. જેથી ડિંડોલી પોલીસ દોડતી થઈ ગઈ છે. એટલું જ નહીં, પણ પોલીસે ગણતરીના કલાકોમાં આરોપી પોલીસે ઝડપી પાડવામાં સફળતા મળી છે. 

કિશોરી સાથે મારઝૂડ પણ કરાઈ
દોઢ વર્ષ પહેલાં એટલે કે 15 વર્ષની ઉંમરે કિશોરીના લગ્નને લઈ માતા અને માસા-માસીએ દબાણ કરતાં કિશોરી ઘર છોડી સૂરજસિંહ નામના યુવાન સાથે સુરત ભાગી આવી હતી. ત્યાર બાદ બન્ને અલગ અલગ જગ્યા પર રહેતાં હતાં. જોકે દાનત બગડતાં સૂરજસિંહે કિશોરી પર બળજબરી કરી શારીરિક સંબંધ બાંધ્યો હતો. પછી અવારનવાર કિશોરીને પોતાની વાસનાનો ભોગ બનાવ્યો હતો.ભાગેલી કિશોરીને સહારો આપનાર અને તેના મિત્રોએ જ ગેંગ રેપ કર્યો છે. એક અઠવાડિયા પહેલાં કિશોરી સાથે મારઝૂડ પણ કરાઈ હોવાનું સામે આવ્યું છે કિશોરીને રૂમ બદલતાં બદલતાં સૂરજસિંહનો સંપર્ક બીજા બે જણા સાથે થયો હતો. ઘરે અવારનવાર રહેતા બન્ને મિત્રોની નજર કિશોરીને જોઈ બગડી હતી, જેને લઈ સૂરજસિંહના બન્ને મિત્રો થોડા સમય પહેલાં 16 વર્ષીય કિશોરીને SMC આવાસના એક બંધ મકાનમાં લઈ ગયા બાદ જબરદસ્તીથી શારીરિક સંબંધ બાંધ્યા હતા, જેનો વિરોધ કરતાં સૂરજે કિશોરી સાથે મારઝૂડ કરતાં તે ઘર છોડી ચાલી ગઈ હતી.

દેહવ્યાપાર પણ કરાવ્યો
જોકે કિશોરી પોલીસ મથકે પહોંચી આ ફરિયાદ કરી હતી આ ઉપરાંત કિશોરી  યુવાનો દ્વારા દેહવ્યાપારમાં પણ ધકેલવામાં આવ્યા હોવાનો ખુલાસો કિશોરી દ્વારા કરવામાં આવ્યા પોલીસે તે દિશામાં પણ તપાસ શરૂ કરી છે.